TAPIDAW LATE

Genesis -: 1617
1. a) Eden huongzawl, SienMâng siembawl,
b) Simthei phungching sa si’ng lawm aw e!

a) Simthei phungching kâl a tulsing piendangnou aw,
b) Tuon puseite khâ pham na hi e! Genesis:- 3;1-24

2. Gehen pan ‘Zîn lâi hing lêng e; nunnuom a khawl Adam leh Kawi mal bang va kou e!
Adam kawinêm Evi lungmawlnu’n Zîn zedam pal bang nang la’n khâ na keta;
Khâ na keta u’e ! Genesis:-3:1-17

3. Eden huon pan, Zîn daw-âi in, mang bang ei ziel, tudong tuollummei bang zîngden e!
Lummei bang zîngdâi bang thengmaw khanglênli bang tu’n zong vunglal e :
Genesis:- 3:1-23 Rome : 5:12
4. Tuon a pipu suongtu lungmawlte, Eden huongzawl a,
Zîntûn mun mawngsing bang na kân e!
Mawngsing bang kân tuchieng khang dong;
Zîn hênkhawl tâng tazen lawm aw e! Genesis :3:22-24.
5. Adam Evi, Jîn hêm simthu’n, Eden huon pan;
Ham bang nuol pâm apai lawm aw e! Ham bang nuol pâm a theilou,
Zîn hêm simthu’n, Ka dei aw nâu bang kâlaw ta’ng e! Genesis : 3:16-19
6. Nâu bang kâ dîng mêl a theilou, Zîn hêm simthu’n,
Ka dei aw nâu bang kalaw ta’ng e!
Phamlou guo bang, kumsawt hing dîng;
Zîn tûnnu’n nâu bang ei kapsah e!!
7. Bethlehem pan Sien chinthu lawi bang hing thang e; Heina Zogam zâng ah phawng ta e! Zogam lei leh buolna gamlei,Sien in ann bang îtna lien e, lien e, lien e; lien e lawmlawm maw!
8. Kalvari pan, khantanhoi hing kithang e! Sien chinthu hi e pâi bang pom vâi e! Tambang cinthu asânglotute gawt mun leh shina um e ; Nang dîng hi lâi lâi !! St John: 3:16-28
9. Zata vontawi al bang mang dîng; hekhuotuona’n Sien in batlei; sangta lawm aw e! Batlei sanna’n,Lûnmâng Jesu’n Bethlehem pan, Kalvari tâng hing tawn e; khâ apham hi e !
St. John : - 3:6-8
10. Sietlei miza ann bang îtna’n khat lâitan avon lungdei Sien in hawm bang tân va iâ mêl e! Hawm bang atân avon sahmin thei bang loute Kumsawt guo bang hing hing dîng chi e; Sien in tongdam ei luonta mêl e!!
11. Tuon a pupa, guolnei gên bang; Sien vontawi lâituol hing lêng lawm aw ! Lâi hing lêng e, Bethlehem sâu dâidam pan lalieng; Kei sieng; sawl bang hing bâng e !
12. Kei bang lalieng, ann bang ei ît zenzen aw e; tung Lûnmâng aw e! Hichi lienga, vâng hing ngâipa, ta zen aw ke’nzong hing ngâi vêng e ! Kihilna :- 21:21-25
13. Thangvân vângkhuo kânkîl lumsuong minthang suongpâh chikim lawm aw e! Tuo mun tuongtung amizata al bang dâ luonkhi i nûl umlou sî bang nûi kumkhuo den dîng aw e!
14. Sienmâng vângkhuo tuong itun chieng; Sawn kêl san leh gil bu-al nêl toh; I Zuo Sienmâng lâm bang pâh vâi e! Pâ bang tawina’n zaila leh lenkhuong leh semguo dâi nawnlou kumkhuo vei dîng aw e!!
15. Sienmâng sumtuol ning leh âi nienna a ngâiloumi um diei lawm aw e? Tuo mun nunnuom al bang dâ nâu bang kâ louna; shi(sih) siel bang zuon ve ni e; cîn leh tuoi aw e! Sam : 51:1-5

16. Keila piengpan, ‘Zînkol tângsa; sal bang suoh di’n; Sien aw nang vâng mu bang ngâi vêng e! Mu bang ka ngâi, tung Lûnmâng aw; Sên nâu bang ei pom aw Zuonêm aw!!
Silbawlte:- 4:12
17. Vân sînnuoi a miza piengteng ‘Jîn in Kêlsiel bang ei del den e! Lûnmâng Jesu Sien vontawi in phammawna daw-âi tawi lawm aw e!
18. Tai bang tênna sietlei tunga ‘Jin-in kêlsiel bang ei del den e! Zîng ka zinna, Sietlei tuol khie’n; thangvân vângkhuo tuong ka tun dîng; Hâi bang ngâhla’ng e!! Ephesate:6: 0-20
19. ‘Zîn daw-âi khuoi bang hâng pal bang nanna di’n, Sien aw nang gâl thuom kiem muong na’ng e! Sien chinthu tem bang a hiem leh tung chieng lâukha siengthou aw, Lum bang ei sung aw ! St John;- 14;6
20. Lêngvân tuonglam atuom umlou; Jesu tuonglam theita leh; hinna hie lawm aw e; Ei zong simlei a tullou dîng Sien chinthu lah pêllou di’a, mate lawm aw; ging aw Hundam !
21. Simleipi al bang man nuachieng, koi a hei dîng? lêl aw mate? E... ngaiteng aw e! Heina’ng mêlma, hui bang mâu dîng; ham bang huoisiem Sienmâng aw! Pâi bang ei pom aw!
Sam:- 149:1-9;150;11-6
22. Halleluija, tung Lûnmâng pên pâ bang tawi zaila sa vâi e; Halleluija aw, Halleluija! Halleluija, Amen Sien aw, lâm bang hing pâh joula’ng e; Izaw! Sienmâng aw !
23. Heina peu a lum bang ka sun lungta Mâng Jesu leh Sienmâng aw ! Ka lênna khimkhuo zînglâi a pâi bang koppi tungchieng lâukha siengthou hie; lâilung muong vêng e!
24. Kei bang lalieng Sienmâng îtna sawmsiel bang lien tazen lawm aw e ! Nâu bang kap lênkum vei dîng lâi Sien in mu bang ei ngâina vûisâi bang lien e! Mathai :27, 45-50. Luk:- 28 : 44-46 Mark:-12:33-37 St JohN:-19:28-30
25. Lûnmâng vontawi, khâ akieh ni’n vânnuoi khimkhuo zîng den kêikûi e! Khâkieh tâng bang apal kie ni’n, al bang dâte sî bang nûl e, A dougâlte’n lâilung zuonlaw e!.
26. Lûnmâng vontawi, sam bang jâlna khâkieh kei tâng bang damna hi e! Sam bang jâlsa tâng bang phongpa; Lûnmâng Jesu lie leh tâng aw, Pâ bang tawi vâi e!.
27. Zînkol tângteng, sal bang suoh dîng;khuo vânnuoimi umlo lawm aw e ! Lêngvân sâng pan Lûnmâng Jesu hing tuolkum e, sa bang hing suohjouta lawm aw e ! Philipite : 2-6-11 Mathai:- 28:1-8 St Luk:- 24:1-12. Silbawlte:- 1;9- Mark 16:-8 St John:-20:1-10

28. Khâpham kûlsîn lênkûl muongsa Mâng Jesu thel thoukia lawm aw e! Shikuong leh kûlsîn a jâlsa thel bang thou lêngvâ n a kâi ta e !
29. Simlei thangvân kâi bang Gawmpa zenzen aw! Zuo Sien vontawi hi e ! Isai : - 1-8
30. Pham dîng mêlma jînkol tângteng; Sien in tongdam luonlâi lawm aw e ! Sien tongdam nâu banga sângte lâitan ka vonlungdei hichi’n,Sien lung-awi mêl e !
31. Tungchieng thangvân sâusuon phungching suoitui aluon kuom bang luo di’n mal bang ei kou e ! Mal bang kouna avonlungdei,tem bang dei a, pâi bang pomte tuongtung dîng chi e!
32. Zînkol tângteng khâu bang sût di’n Sien vontawi lâituol hing lêng e lawm! Va bang lêng a,hênkol sûtpa lenkhuong leh chiendaal thuo in Lâm bang pâh vâi e !.
33. Pien kidang e khan kidang e Mâng Jesu aw lieng na lawm lawm e ! Genlieng chinteng asin dînga simlei tung mîm bang na’ng pien, Kei nei îtna lien e lawm lawm aw ! Isai:- 1:18-20
34. Sien in tongdam ei luonlâi in sa bang tâitâi dîngmaw ? ngaiteng aw ! Sa bang tâi a, lungtuloute; zu bang amawl hivên chie maw ? lawm ! Silbawte : 28:21
35. Lêngvân tuolnuom lêntuol khie a, Sang bang ei sûi, Lûnmâng Jesu liengna lawm lawm e ! Tambang lalieng khuo vânnuoi a Isarelte’n ham bang nuol pâm a paisa Gentelte tâng bang damna hi e!
36. Sien chinthu lou jîn hêm chin thu’n kâmmei kûllu dîng aw lâi a; na nâh mama e ! Vânmâng nunnêm, Zuopa Pasien; na von hekhuo ei tuo aw, Na sienga hundam ku’ng ngên lâi lâi!
37. Hung ensuh aw, Zuo Sienmâng aw na min lâm bang pâh na in, Tapidaw zaila ka awi uh e thangvân pan selung na gêllaw Zuo Sienmâng aw na lîmbêl zaila a awite Sien aw na lâukha’n lîm ei sun aw !
38. Nâsingnuoi sangpâl ka law nop bang ‘Jîn tûnnu aw, nang zong Kei pâl lou nuom in, gam gâthâng bang nei vê den kêi’a ! Pâl ei lou si’aw Jîn tûnnu aw, tung Sienmâng khuong bang khouna,lâukha pâitem bang ka kuo hi e ! I Peter:- 5:8 Ephesate:-1:13-14
39. Na mazap a, tuonglam ni kâ deizaw têl aw Nang chinthu hie lawm ! Deizaw têl lung ana mawl leh, ka dei ! chia nâu bang na kâlaw dîng lawm aw e !
40. Phamlou lêngvân kâithei umlou Sien chinthu hi e,selung gêl vâi e ! I pham nuachieng Sienmâng sienga phamlou’n leenkumkhuo vei ta vâi e!
41. Ann bang ,îtna va lêl talei Sienmâng îtna akânsâng sawn sawn e,sawnsawn e ! Kânsâng tungpan,gâl in donlei mal bang kouna tudong ginglâi e !
42. Thangvân vângkhuo zata mungtup tuongtunla dîng; kei aw zuong vêng e! Lûnmâng gamlei nunnop phungching Angel sieng leh tatsate nga bang lênna angâiloumi om diei lawm aw e!
43. Kilêl minthang, Lêngvân sâunuom chîn-leh-tuoi toh lâizomteng toh, Tûn leh Zuo toh nga bang lênkhawm leng ! Al bang da gi bang khen omlou, sunggil kiel lâidîp nêm omlou,Nunnopteng kim mun a buol leng aw !
44. Sienmâng vângkhuo tui bang sienga kawlva bang lâm, Limnga bang buol chiet lei lawm aw e ! Shemguo leh lentawm chiendâl toh zâmluong ngai toh, Tung Lûnmâng pâ bang tawi in, lâm bang pâh khawm lei !
45. Lentukuom tongluong ngainou bang , Lenkhuong leh zâmluong ngainou toh,i tung lûnmâng pâ bang tawi vâi e ! Pâ bang tawina’n shemguo leh chiendâl thuo in Lûnmâng Jesu, Lie leh tâng aw lâm bang pâh vâi e ! Kihilna:- 27:22,23.
46. Pielgâl gamlei shi-leh-hing gi bang khen louna, Nâu bang kâ luonhi nûllouna mu bang ngâi vêng e ! Sunni leh solkha suo ngailou,Kêlbuawngnou ni bang atânna, Muikhozînlouna ke’n ngâi vêng e!
47. Zânghuikhi lâng sêmnou bang in,Sien lâukha aw, kei ei sêm ve aw ! Huikhi sêm bang ei sêm aw Sien mawna damtui bang ei siengsah aw, Sienmâng aw !
48. Zânghuiva bang kûijilzâpthei leng, kei zong tung -chieng sângah lêng vâng e ! Tungchieng sânglêng Sien ânglâi a, Phammaw’n kumvei nuom ing lawm aw e!
49. Khan kumsawt pâ bang muawllouna Sien gamlei leh thangvân vângkhuo mu bang ngâi vêng e ! Mu bang ka ngâi tullo vângkhuo ka hei chiengin nunnop phungching ta vên chie maw lawm!
50. Hinna damtui Kalvari pan hing luawng e,dawn ve ni e! guo bang hinna hie ! Guo bang hinna hinna damtuui siengah buol vâi tui bang sienna hi e ! Isai: 13:8 51. Phamta lei lah, leimidawng pan Sien aw chi’n pâ bang tawimaw vâi e ! Pâ bang tawi lâm bang pâh vâi e, guo bang hinsung sietlei a, Sienmâng aw chi’n nâu bang awi vâi e!
52. Simlei sâunuom kumtawn chinglou sîngkhuol ka zinna hi e! lawm aw e ! Sîngkhuol zîngzin guol gam lei a,vâi bang thâmsawt kha vâi ngâiteng aw!
53. Jîn zedam ning banga khumnou ka duawnglâi a gam segûl bang viel e! nâ sa’ng e ! Tuon puseite zu bang mawl vâng ka duawnglâi leh ling bang ei dou e!
54. Sien hundamna, lênheisa bang pâl lawthei lou bânzâl a nâu bang sântheilou e! Laizom nigêl Phuthil leh Nântalte banga na zun aw khâu chitheilou aw e!
55. Immanuel nâh siengthou pan, sisan leh damtui sieng luawngkhie e ! Mawna’n lou bang azaw tulsa,sênkile nga bang lâm kiana, Damtui leh Sienmâng sisan hi e !
56. Rapture nuachieng, shi-leh-hingte tungkawlva bang lâmkhawm in, Nunnuom phungchingta dîng lawm aw e! Kawlva bang lâm zângva bang lêng tungchieng manaw, Alsi khêl gam nunnuom ah,ûm bang khawl vâi e !
57. Sienmâng ânglâi tui bang sieng a phamna vontawite tutkhawl vên chi e ! Tuo mun pienna dang sa dîng uh;gawtmun,kâmmei, dâi bang pêlna mun!
Sam :- 24:7-10
58. Vânglien lîmbel i tung Sienmâng limnga bang hing lâmna dîngin, Dawngkotte aw na kikhâi sâng u’aw ! Sâunuom sung leh i sinlâi sunga limnga bang lên, i lâmkhawmna di’n, Sien na lâukha’n,khuva’n hing lêng aw! Kumpite:- 8:10-13
59. Sum bang bie tongdotna dîng leh, houlung dâikâi Sien aw nang toh, Kâi bang gawmna di’n,tammi biehbûh bawl ung e Sien aw ! Tânglâi biehbûh khanglummei a,na luo bangin tuni’nzong lâi hing lêng aw Kuom bang hing luo aw! St. John:-10:3.
60. Vânmâng vontawi Hundampa Jesu’n asausuon nuom luo dîngin, Siensung chinteng mal bang ei kou e.Sêndeinou leh, i vondeiteng toh i minmin a, ei tanghat chiengin; hing om na’ng e, hing kim diamdiam na ung Sienmâng i chithei diei maw? Aphuotu: Evan.Jângkhomâng St. John:- 19:20
61. I Mâng Jesu’n Kalvari kros singdawn a ka dangtâ chiin Damtui kou ve aw ! Damtui ngâi a,dangtâ hilou, lâukha vâng mu bang ngâi a,tâu hibou e,Tâu hibou aw e! Aphuotu:Nu.Chingkhannuom
62. Mîm bang na pien chîl apatin,mêlma dougâl khuoi bang hâng ve aw ! Mêlma dougâl khuoi bang hâng ve aw, Mângpa’n ann bang îtna lien e, Gamtulsing bang sâng na lawmlawm e! Aphuotu:Nu.Chingkhannuom
63. Hungpai u’o guoi, zaila sa vâi i tung Lûnmâng pâ bang tawi vâi e ! I tung Lûnmâng,pâ bang tawi vâi e, khuongpi leh khuongta thuo in, Nunnuom lâmtâng kâi vadiel vâi e! Aphuotu:Nu.Chingkhannuom St. Luke : - 23:34
64. Kalvari kros muol minthang tul singlêl a,Mâng Jesu tongsuo nêm ngâi di’ u’o Jesu tongsuo tui bang hing luong amêlmate, zuonêm aw ngâidam in chi e! Aphuotu: Upa Dongzathang Genesis :- 3:19
65. Tûm bang vuoi kuon,pâllâi ka tul leh, Eden tongchiem, sênkile nawnlou dîng hi’ng e, nawnlou dîng hi’ng e ! Kha ka kieh a, shikuong ka zâl leh, ka duawng tulsa, Sien mun a, lênlâi pê bang zilkia dîng hi’ng e, zilkia dîng hi’ng e! Aphuotu: Pa.Thangtun Genesis : 3:7
66. Tâng a suongtu, Adam,Evi lungmawlte’n, Jîn zedam pal bang nangla’n thelna silpuon in nei tamêl e! Thelna silpuon anei bân a tung Pasian in tongsie sawl bang pai nalâi aw e Aphuotu: Pa Tuolzachin Luk:-24:13-22
67. Emau khomuol tuonglam tunga sîngkhuolzinte’n Mâng Jesu tongdam na sâng uh e! Tong kisâng u’e, zâlmangpha sawl bang kipâi nuom sîngkhuolzinte,lunghekâi aw e!
Aphuo: Pa Tuolzachin St. Luk:- 2:8-12
68. Bethlehem dâi nâsing nuoi a kêlbuong chingte, Angelte’n tanglou bang va phawng u’e! Tang lou bang phawng, thangvân zaila’n lemlêng hên chi’n, Zaidei va awi u’e ! Aphuo: Pa Tuolzachin
69. Simlei guo bang ka hinlâiteng laukha hiem bang ka hâttheilou e ! Lâukha hiem bang ka hâtna di’n Sien aw gâthâng bang ve aw Sien aw ! Aphuo:Pa Songzapau Isai : 30 : 33
70. Sien simthu pâi bang pomloute’n kâmmei vângkhuo tangta dîng aw e! Kâmmei vângkhuo dâi bang pêlna di’n Sien toh gammawng bang kikawi leng e ! Aphuo: Pa Songzapau
71. NuoiJîn hênkol na sûtna aw,phamna tulsing pien dangnou aw e ! Tulsing piendang, nithum kûlsîn zâl zuongthou lêngvân sânga kâita e! Aphuo:Pa Songzapau Isai:- 2:1:12 Rome:- 13:11-1
72. Muikhuozîngla dâi bang theng kuonta kânkong siel bang asuona dîng, Bu-al hongkhuong pâta dîng hi e! Bu-al khuong leh khangtheilou di’a chî bang atêl, Zatam lâi a,mang bang hongkhawm pâta dîng hi e.! Aphuo:Pa Songzapau
73. Mîm bang pienna nuoi simlei zaw zîngzin, Ham bang vaina gam hi e , Jerusalem tuong i tunchieng guo bang hinna, tullim liepa,Sûnni hâmtâng dou lou dîng aw e. Aphuo:Pa Songzapau St. Luk : -2:15-20 74. Tanghou vângkhuo vonsên en dî’n, Sangkêl chingte’n,pheiphung suonta ue ! Nang zong gie bang kijûn inlen, Tanghou vângkhuo dâidam sâusuon, sang zâlna lungdei Mâng khu,Lam bang vêl ve aw! Aphuo:Pa.Siehzathang Kihilna :- 3:20
75. Lûnmâng Jesu zîng hong zin e, sawl bang bân na’ng mêl theilou in, Lâilunghekâi e! Lunghekâi aw e! Zîngzin tuongtung lâikuong ûmkhawm dî’n,sinlâi dawngkot ei kîu e, Lawm aw na hong aw ! Aphuo: Pa.Chinzagou St. John :- 20:28
76. Amizata, hundamna dî’n, nang dî’n zong dawngkot kihong e, Kânkong tulnu kikhâi tuomlou e ! Ama sûlzui ginglelte sâng mêlmulou a gingtate hamphajaw chi e!
Aphuo: Pa.Chinzagou Isai :- 61:1,2
77. Tânglâi kamsâng Isai gênte sawtta e, Nazaret khuo ah,hong thang pan hi e ! Jesu tongsuo ngâidi ve u’o,Jînmâng kolbu sal tângte pawt na’ng thu hi e
Aphuo: Pa.Chinzagou Mathai : 27:45 Mark:- 15:33 Luk :- 2:44 ‘John :- 19: 7-18
78. Zion muoldawn tulsing tângtan lêl dawn a, Mâng vontawi duawng sawl bang kibâng e, Duawng vul nîingniang tumtâibaw bang vul, lâinata pien in dang e, Simkhuozîng kêi e!.
John :- 3:3
79. Jerusalem kuom bang luo dî’n tûn sawn mîm bang na pien kûl hi e! Tûn sawn mîm bang na pien kei leh, lâukha gamguo bang hinna dîng, Heina gamkuom thûh nalâi hi e!
Aphuo: Pa Songzapau
80. Omlâivei leh, ngaitam sielna, simlei luong nungsie kâl ngâkla’ng e! Ei dei simthu kilêltheilou, Sien in gûn khâu bang akhun tongchiem sa hi e! Aphuo: Pa Songzapau
81. Tunglûn Jesu heina gamlei omlaivei nâu bang kâ omlou e ! Tung solkha leh sûnni ngailou ; Belâmnou sûnni sâng tângjaw e! Aphuotu: Pa Songzapau
82. Sunkim lungzuon ka sielsiel chieng, Sien aw na lênna ngâi na vêng e ! Simlei ka sâu dâidam nuoi a, khattang sawl bang kei hei ing e, Sien aw, na lâukha hong lêng ve aw ! Aphuotu: Pa Songzapau
83. Atui limlien Jordan damtui Isareelte’n lelam,chieugâl khat ah kâita u’e, Pham kuon lungzuong pitu Mosi’n nebaw muoldawn pan, Kanan gam gâlsiel bang don ve e! Aphuo: Pa SongzapauSilbawlte :- 8:38 Baptisma la
84. Sienmâng vontawi atak-amêl kithei na’n,tongchiem na’n damtui kikûllu e! Damtui kûllu ka pham zongin,lâukha guo bang hing den dîng hi e! Aphuotu: Pa Songzapau
85. Tu’n gammawng bang kikawi leng zong, lâukha sam bang: khensa hihang e! Sien chinthu lah,pêllou dînga koikuom sang bang na vaita diam? Ka dei selung lâidîp nêm vêng e! Aphuotu: Pa Songzapau Luk:- 7:8
86. Thangvân zawl a, Angel tongluong in Bethlehem vângkhopi vathawn e ! Vângkhuo thawn e,bawng-inn sâu dâidam nuoia, Tung Lûnmâng mîm bang hong piengta e! Aphuo: Pa Songzapau
87. Sungdu hawmta’n suon hâmla leh, Umlâivei nâu bang kâlouna, Siensiem gamlei aw,ke’n ngâi vêng e ! Khum mun tuong a ka tun chiengin pham- sate toh, Dawn bang kituoh in;Hundam Mâng vontawi phat na’n ,Zaila dâilou dîng hi e!
88. Solna lummei dawn a zu bang kangmaw i chi zong, Zîngdâi banga, athen ni tuongtung dîng hi e. Tuani chieng’leh al bang da sunggil kiel leh ûmlâivei puon bang bângin, miza nunnuom tânglâm ta vâi e.
89. Sietlei thangvân gi bang khen kâi bang gawmna’n, Mâng vontawi in, dawngkot na hong e. Ann bang îtna,kâitui bang luong e; mal bang kouna,atongsuo, Pienna tûn tongsuo sâng’ nêmjaw e.
90. Simlei suonbêl bang kihei vên biphal tung- sunni bangin en lei tumkuon Ni ta lawm aw e, Sunni tumkuon muikhuozîng kuon bu-al khuong kuon, Taikhuo vâl kuon e.
Aphuo: Pa Songzapau
91. Tui bang sieng phamsateng lâukha, Thangvân shikhawl muolmun a,ngaiteng tungkimta dîng lawm aw e, Ngaiteng tungkimta dîng a maw ? sunsawt hâi bang ei na ngâh va’n, Galkhuo ei dondon leng dîng aw e.
Aphuo: Pa Songzapau
92. Eden huongzawl tulsing piendang sie-leh- pha zângtui in luongkhawm e, Damtui kawiluon dawn ke’n aw chi,sânlou dîng hâithei bang na law, Sien toh gi bang i khenna hi e.!
Aphuo: Pa Songzapau