Tuesday, April 15, 2008

ZOLA DEITÊLTE(Selected Zo Songs/Poems)

ZO DEI GUOL LÂIAH
Tânglâi Pu ZO hun a kipan
Tutanvei dong lungdei sieng i kibuol zieh un
Mite hla tung kâi gamdiel khâi zouta, ZO vontowite a mi za lai ah
I nam min talawm mansuo dîng i ZO vontawi aw
Cîllâi i ZOLAI simbu sungah zong, Siemtheicîlhaw'n ZOHÂM hamsa ci'n giel vuh,
Sanggamhaw dîng theiha telha nanzongleh
ZO vontawite i tongsuo hi zumpi sih vâi, Ei'a dînga Siendei hibou!

Pu ZO suonte i nam min vuh kêmcing vâi
I ZOHÂM zong zumpi sih vai,I
ZO tângthu sutkia vâi ZO dei guol lâiah
Pu ZO vontawite i hi vuh,
Sien cieptesa ZO dei nam min sîngdang guol aw, ei theipi ta vun,
ZO vontawi Sienmâng leh minam'a dîngin
Pil leh siemna ît louin ZO mun zuon vai
Na zawng zongin na hâu zongin,
I minam min tuolkhietthei louin
Zumpi sih vâi a tawpna ah ZO, ZO i hi kikhêlthei lou.

Pu ZO suonte i nam min vuh kêmcing vâi
I ZOHÂM zong zumpi sih vai,
I ZO tângthu sutkia vâi ZO dei guol lâiah
Pu ZO vontawite i hi vuh,
Sien cieptesa ZO dei nam min sîngdang guol aw, ei theipi ta vun.

By T.T Thangpi, Asa: Joseph Suonlien
KHÎL NGANA-V(Part-V)
1.Zola Ngai
a) Zola ngai tem bang tawina, Dâidam Zuo patâng aw e na tulta’i aw e
b) Na tulta’i aw galdot khuo suongmuol aw e Na tulta’i aw e.
2.Ka zuo khan in thangnên dolchiel
a) Ka Zuo khan in Thangnên Dolchiel, Chînteng khan in hlîmsun nêlnuom aw.
b) Hlîmsun nêlnuom,tun leh zuo khawlna dîng chi’n Aphamta zong selung tai hên aw.
-Pi. Lienzanieng(apa khanhoi lâi atapna)
3.Siensiem kûisiengnou ei ngai hi e!
a) Namchinteng in, nung leh ma khâu bang ei luoi a,
Sîngtawi tam in, Limlien vângtângnou toh ei tel e.
b) Vângtâng tel a thangvân kânla sâng sawn ah,
Siensiem kûisiengnou ei ngai hi e!.
-Pi. Lienzanieng (Pasien a mu atapna)
4. Dei toh lâitan vontum Vonnieng
a) Dei toh lâitan vontum vonnieng
Tuonglam na siakhiellou aw chi’ng e.
b) Tuonglam sihzawl bang zang henlen
Dei toh tûm bang na vuoi aw, Nieng aw. -Pi. Lienzanieng(Apa’n a guolzawl latapna)
5.Von Mâng
a) Theilou singgam kâi kuon VonMâng,
Zolei tang bang na dam in Kâng aw.
b) Zolei tâng bang na hing dam inlen,
Sien in lum bang hing sung hên Kâng aw. -Pi. Lienzanieng (atapa MK atapna la)
6. Lî bang ching si’aw ka chila hi e
a) Kei lah Niengneichinkimpi a ka kibawl,
Lâizom in ma bang samta’ng e!,
Lungzuon sielching kei lah muongmaw’ng e.
b) Lungzuong muongmaw ka heina peu ka lenna peu ah,
Lî bang cing si’aw ka chila hi e!. -Pi.Lienzanieng( a u Liencinkhup atapna)
7.Thei bang sênlâi chîn leh tuoi aw
a) Thei bang sênlâi chîn leh tuoi aw
Ka zuo hânmin sumtuoldaw nientui aw e.
b) Sumtuoldaw nien nunnuom lâi ah,
Lienu ka buolna hi e. -Pi.Lienzanieng(Apa inn a nêhletâh nien atapna)
8. Pienpi lâizom Mângkâng,Mângvom,Kâpkhanthang aw
a) Pienpi lâizom Mângkâng, Mângvom,Kâpkhanthang aw,
Ei tawi i Tun apham tâng bang hing pal mawhta e. b
) I Tun pham mêl amu nuomte’n zîngni taikhuo avâlma’n,
I sâusieng zuon pheiphung hing suon chiet un chi’ng e.
-KhenSuonThang(anu shi thu a nâute hilna la) Lyrics by Pi. KhanNuom
9. Heina kuomthuh Delhi tuol ah
a) Sên ângkawi leh vondeiteng toh,
Heina kuomthuh Delhi tuol ah,
Tun in tanglou bang nei phawng hi’am aw.
b) Tanglou bang phawng Tun sieng mânaw’n
Tuongtun kâi a kei aw nêm ve’ng e.
-MK(Delhi apata anu shi azah atapna la)
10. Tun lah vaimaw’ng e
a) Tun pham nung in sâusieng tung ing,
Lam bang pâh dîng ei tawi tunnu sang bang vaimaw’ng e.
b) Tuongtun lam bang pâh dîng,tun lah vaimaw’ng e,
Heina sâulim giel bang dâi e! Zuo hêkâi aw. -MK(a nu sini a,inn a tun a,atapna la)
11.Delhi vângkhuo gamvângla
a) Delhi vângkhuo gamvângla pan,
Phamsa tun mêl mu vâng chi’n,
Lungzuong huiva bang hing lêngta’ng e.
b) Phamsa tun mêl ka muthei aw ,
Tung Pasien leh vângkhoguol
Zîngvâi hawmsiem sa’ng e. -MK(Akhuo mite tunga akipâhna la)
12.Chieu Lumsuongphei a ka dawnou
a) Phamsa tung ngai ngilmawna chi’n,
Chieu a lumsuong phei ka daw hi e.
b) Chieu lumsuong phei a ka dawnou
Kumsawt tulmaw lênheisa bang na pâl ve’n aw. -MK(Anu muolsuong adaw uh atapna la)
13.World a minthang Delhi vângkhuo (Pu.Paul Ginzapao in India Kumpi in Nuclear Bomb a pawhzâhsah jou a anaupa Mângkâng atapna) Dated 15/5/98;Sugnu
a) World a minthang Delhi vângkhuo na heina a,
Tongdoh Lûnmâng khat a na pan, Zolei tâng bang hing dam u’aw, Nienghâunuompa/Nienghâunuomnu aw.
b) Nienghâunuompa tâng bang hing dam aw,
Tung Pasien in siem in aw,
Gam mawng sing bang bâ hing zâm aw,
Ke’n na muong vâng,Ke’n na muong vâng e.
14.Zova Tuonna Tulsuonbawi
a) Theilou Sîngta hâmmawl lâi ah, Zovontawi tâng ngalliem hi’ng chi’n
Zogam tulva tuonna tulta’n hing pou aw e.
b) Hing pou in len bâ hing zâm aw,
Zova tuonna tulsuonbawi chi’n hing kilêl hên aw.
Dated 15/5/98;Sugnu:- Pu. Paul Ginzapâo (A nâupa Mângkâng atapna)
15.Nâ Lûn Aw
a. Gamzâng lâi a singzabuong khat a na pou Na hîm bêl vaw’ng e,
Tuoiguo leh lummei kisun chiengleh Nang nei sungzou na diei? Nâ lûn aw.
b. Nang nei sungzou diei? Nâ lûn aw,Guol dîng siel bang lienlou zong,
Kei dîng zâng vuisâi bangin limlien chie, Limlien Nâ lûn aw. -ZOLA no.181
Kikhenna la
16.Ke’n lah ngâi na’ng e
a) Khen dînga gi bang khen dînga amandân nopdân Ke’n lah ngâi na’ng e(2)
b) Ke’n lah ngâi na’ng e Khen kum zâlmang pa na law hichia Huiva damtâu toh kei aw Mang aw e. Dated 3 July 1996; Zoveng Lamka
-Pu.Elkhothang,Zogam Leidi Pawl Chief;M.Khâukuol
SÂNNÊM LATE (ZAWL LATE)
17.Gi bang khen dîng i lungzuon toh Dated 7.1.2000
a) Gi bang khen dîng i lungzuon toh, Hingpei aw Sânnêm,
Khawlkhawm tadi e nuom lâi!. Hênuom lâinuom lâinuom lâi aw e.
b) Hênuom lâi aw lâinuom lâi aw,
Lungsim kûlphûm tanglou bang phong tadi e nuomlâi, Hênuom lâinuom lâinuom lâi aw e. -Pu. Thangkhokâm(Phamsa azi a ngâi man a, a latêl)
18.Sunni tum kuon kâi kisun chieng
a) Sunni tum kuon kâi kisun chieng, Zolawhta’n tong na luong vâng ngai aw.
b) Tong na luong vâng heina peu a, Damtâu kumtuong sawt dîng hie ngai aw. -ZOLA no.330
19.Atui luongsuh dungzui vângkhuo
a) Atui luongsuh dungzui vângkhuo, Mandalay daw bang tâm e,
Cing hounuom aw e.
b) Vângkhuo chieukuom zuia, Huikhidam lâng,duong a viel e,
Cing gimsi hiva Sien aw e. -ZOLA no.293
20.Têngkol LienNieng vâng ku’ng ngai man
a) Atui luongsuh piêunêm têngkol, Ngilla lienu têngkol LienNieng aw.
b) Têngkol Liennieng vâng ku’ng ngaiman, Atui luongsuh zuita’ng e Nieng aw. -ZOLA no.63
21.Kunglên muolheisa
a) Sunni tum kuon kâimuol nên ah, Kunglênmuolheisa nam chie Nieng aw.
b) Kunglênmuolheisa hing nam chie, Gimnam khuongsil panamtui Nieng aw. -ZOLA no.18
22.Pâl kiloula hita’i
a) Thângdang a pou Zoheisa bang, Pâl kiloula hita’i e ngai aw.
b) Pâl kiloula heina peu ah, Hemin kilouda ta’i e ngai aw. -ZOLA no.42
23.Guo bang hinna dawkuongtui aw
a) Guo bang hinna dawkuongtui aw:
Guo bang hinna dawkuongtui aw,
Munzâng tongchiem nadîng aw ngai aw.
b) Tongchiem nadîng kuongtui munzâng,
Na pêl ta’i maw kei ngai leluon aw. -ZOLA no.268
24.Zogam kuomthuh khâigam lênmuol
a) Zogam kuomthuh khâigam lênmuol,
Kal dîng lunglâi zuong ing e,ngai aw.
b) Ang khiep dînga tulpi zatam,
Lâi kizawn pen têl di aw ngai aw. -ZOLA no. 28
25.Zândam lunggil lâi ah siel ing
a) Lungtuoh dei tongdam sânnou aw,
Zândam lunggil lâi ah siel ing e
b) Kihlim pan leng zânkikim khen,
Dei âng muong ngainou nang phawng aw e -ZOLA no.384
26.Tulkung ah heisa’n na kâi vâng
a) Zânggam tângni asat nou toh,
Ngai aw suonmawngnêl nou in,
Lîm hing sun vawi aw.
b) Gammawngnêl a lîm nei sun leh,
Tulkung ah heisa’n na kâi vâng e. -ZOLA no.25
27.Phamna’ng ani kumtong chiemlou
a) Phamna’ng ani kumtong chiemlou,
Kâidang suohei Lawlunmân aw e.
b) Phamta lei senlekia vâi chi lou,
Guo bang hinkâl kilou ni,
Law kawi Mân aw e. -ZOLA no.186
28.Ka pham zong in lêngvân sâng ah
a) Ka pham zong in lêngvân sâng ah,
Laukha’n pâitem bang kuo díng,
Muoltumtâi ngai lien ngai aw e.
b) Tumtâi ngailien ka kung tungah,
Vâng kung ngai siel bang lien ngai aw e.-ZOLA no.31
29.Ava hileng va lungzuong hiva’ng
a) Ava hileng va lungzuong hiva’ng,
Mazap tulsing leldawn ah,
Guolngai aw mal bang hing kou va’ng e.
b) Asing hileng munzâng lâi ah,
Deisiel von awi, Huivanu tuonna hini’ng maw Zawlching. -ZOLA no.18
30.Muoldawn pan a dam bang ka tâu
a) Guol in lêl leh sangpal lâi-âm chi dînga,
Keilah lungzuong muoldawn a ka tâu nou aw e.
b) Muoldawn pan a dam bang ka tâu, Zolawhta’n tongdam na sâng son e. -ZOLA no.21
31.Ningzu khum pengta chiin
a) Ningzu khum pengta chiin,
Lungshi ke’n aw ngainou Sihtui a kimchieng ah veilâi e.
b) Sihtui akimchieng veilâi, Khanglênheisa bang Ching aw veilâi e. -ZOLA no.116
32.Ngai gimsi leh sangpal lawla
a) Ngai gimsi leh sangpal lawla,
Ka duong kâiningzu bang ei dawn e.
b) Sihtui toh kai bang i gawmna,
Khumluo kisa’n mang bang ei ziel e. -Capt.Lienzakhai :ZOLA no.264
33.Ka law ma’n tul kei aw Manngaiching
a) Singkhuol zingzin heina peu a,
Melmu liepal k’ung kuoi e ngai aw.
b) Kung kuoi zoheisa bang kitawi,
Ka law ma’n tul kei aw Mangngaiching. -Capt.Lienzakhai :ZOLA no.271
34.Ei dawn aw lawm sawn ngai ching
a) Minthang chieutui muol sang tung pan,
Donleng zalna kuoltui khuo mu’ng e.
b) Sunkim sawt a lainem keima,
Kuoltui dingmuol vum sang tung pan,
Ei dawn aw lawm sawn ngai ching aw e. -Capt.Lienzakhai :ZOLA no.282
35.Thângnên lummei
a) Thângnên lummei ka hang zâm díng hie,
Pal bang na nang bou aw lawm ngai aw.
b) Kumsawt pal bang na nanla leh,
Ngalliem thâng huikhi’n ka’ng lang díng hie, Lawm aw e. -Capt.Lienzakhai :ZOLA no.284
36.Lamtang neita sen sânlou lah
a) Lamtang neita sen sanlou lah, Vangla kaimuol sun nou aw Ngai zaw.
b) Muol sun heisa lawla tuonglam, Siellou tu zing tahen aw ngai aw.
-Capt.Lienzakhai :ZOLA no.321
37.Ka ga ei law’n na thei ei kawi aw
a) Gammawngsing bang hieng azâulou hi si’ng e, Ka ga ei law’n na thei ei kawi aw.
b) Ka ga ei law’n na thei ie kawi aw, Na deidei pat bang kisai aw,
Ke’n hang lel ngam ngawn ke’ng kawi aw. -Capt.Lienzakhai :ZOLA no.318
38.Sunni nel ngingei nuoia vailou ka kuon
a) Sunni nel ngingei nuoia vailou ka kuon, Singdaw muol ah ngainou nang na khawl.
b) Singdaw muol ah ngainou nang na khawl, Suonggam hekai lel banna ngainou,
Nang gim nam.
39.Minthang vaitui luong dieldiel leh
a) Minthang vaitui luong dieldiel leh, Khanggunpi kingai lou ding aw lawm,
b) Kei hang lelte’n tua bang chinthu meltheilou, Zalai piltâng bang hing zêh,Kei díng na lawmlawm.
40.Pal ka lawla na e nu aw e
a) Tangguol lungtup zangdon khamtang, Pal ka lawla na e nu aw e.
b) Ka zuo tawi a kei zong ngalliem, Zin siem sanggat na e nu aw e.
-Capt.Lienzakhai :ZOLA .317
41.Kei ka heina chieutui gal ah
a) Kei ka heina chieutui gal ah, Singgam avangla ve aw ngai aw.
b) Singgam vangla ngai tam guol aw, Mawng bang kikawi lai di e nuom e. -ZOLA no .90
42.Hing nam vawng e, sên a ngainou
a) Hing nam vawng e,sên a ngainou,
I sânlâi gimsi na nam na am maw?
b) Sânlâi gimsi lah nam thengta chie,
Guol gimsi namta chie ngai aw e. -ZOLA no.92
43.Ângkawi díng ngai heisa’n pâl aw
a) Angkawi díng ngai heisa’n pâl aw, Simzîn zâlmang pha na mant'aw,
Muolsun ngai nêm aw.
b) Theisên nêu a lungta ngainou, Vângla muollim sun den díng aw e. -ZOLA no.97
44.Tu-in aw kikhen lei lawm
a) Tu-in aw kikhen lei lawm,lâi ah, Vângngâi min hâithei bang kung law sângpen chie.
b) Kung law sângpen chie,singlênheisa suon zozâm, Lou bang kung suonsuon lâi ngai aw e. -ZOLA no.108
45.Nang lah piengpan sênngêh lâikâi
a) Nang lah piengpan sênngêh lâikâi, Kei lah mîmva bang tuikhu lâi maw lawm.
b) Mîmva tuikhu sênngêh lâikâi, I than lênkum khuo sawt vung aw e. -ZOLA no.109
46.Pham leng ngai tong ka sâng diei? chi'ng e
a) Tullêl dawn pan thelna bang lâm, Kim chieng lunglâi ka huol in,
Pham lêng ngai tong ka sâng diei? chi’ng e.
b) Ngai tong sângsa bang nâng ing e, SNunuom tuongtung vonteng sang bang ka nou diei? chi’ng e -ZOLA no.110
47.Tulsing khongma asing panamtui
a) Tulai seinou khannuom na ven chie,
Tulsing khongma asing panamtui, Athumna zong sing namlien aw e.
b) Kou khanlai in tulsing khongma chin khat in, Tengkhat makhai phallou in,
Kaithiel tuongtung namvaw lai ung e. -ZOLA no.111
48.Lungtuoh Dei tongdam sânnou aw
a) Lungtuoh Dei tongdam sannou aw, Zândam lunggil lâi a siel ing e.
b) Kihlim pan leng zân kikimkhen, Dei âng muong ngainou nang phawng aw e. -ZOLA no.384
49.Ningzu khum lâi pengta chiin
a) Ningzu khum lâi pengta chiin, Lungsi ke’n aw ngainou,
Sihtui a kimchieng ah veilâi e.
b) Sihtui a kimchieng ah veilâi,
Khanglênli bang ching aw veilâi e. - ZOLA no.117
50.Vângngâi ing chia tong a nung lêl
a) Vângngâi ing chia tong a nung lêl,
Pham leng sunnâu bang nung kâ ngam diei? Ngai aw e.
b) Siensiem maw a nang na pham leh,
Khomuol ah zângvâiva bang,kei hing khuong sâm ning e,Ngai aw. ZOLA.120

GUOLNOP LATE

55. Tu lâitahin bang anuompen
a) Tulâitah in bang a nuompên di’am?
Zuolam lênsielki leh khuong nuom e.

b) Zuolam lênsielki leh khuong nuom,
Zin lâilen kâl tâng bang dam nuom e. -ZOLA no.119&99


56. Leidi Namza
Zolei luong singlêl dawn ah e,
Leidi leidi leidi namza,
Leidi namza pahnamtui,pahnamtui tui pahnamtui aw e.

Muol dawn tumtai guol duonga
Bang leidi leidi leidi namza,
Leidi namza pahnamtui ,pahnamtui tui pahnamtui aw e.
-ZOLA no.196

57. Tuni’n lâmlei,zîngchieng lâmlei,
a) Tuni’n lâm lei zîngchieng lâm lei,
Thâichieng lâm nawn,
Thâichieng lâm nawnlou ding lanu,
Lanu tangvâl hounuom ngainou lawm,
Ngainou lawm e ngainou lawm aw e.

b) Na lâm aw nelkâi,kei hing lâm vâng,
Kei hing lâm vâng na lâm aw nelkâi,
Sânnelkâi aw,Sânnelkâi aw e. -ZOLA no.204
58. Ngai ing e,kei zong peita’ng
a) Ningzu aisa ka ngailou e,
Senkhawl limlai,senkhawl limlai,
Senkhawl limlai ka ngai e,
Ka ngai,ka ngai,ka ngai lawm aw e.

b) Ngai ing e,kei zong peita’ng e,
Khuomuol siel bang,khuomuol siel bang,
Khuomuol siel bang ka suo hunta lawm,
Hunta lawm e,hunta lawm aw e. -ZOLA no.203

59. Zu ka du
a) Zu ka du ka du aw e,Tuhtupi bang,
Zu ka du dawnpêng ka kuoikuoi e.
b) Sa ka du sa ka du aw e,
Zângkâmkei bang sa ka du,
Muoltâng ka tawntawn e. -ZOLA no.118
60.Tulai seinou khannuom na ve’n chie
a) Tulai seinou khannuom na ven chie,
Tulsing khongma asing panamatui,
Athumna zong sing namlien aw e.

b) Kou khanlai in tulsing khongma chin khat in,
Tengkhat makhai kallou in,
Kaithiel tuontung namvaw lai ung e. -ZOLA no.111
61. Lawm e lawm aw e
a) I chiemna na thei kei leh aw Nienghoite sien,
Nienghoite,Nienghoite,Nienghoite siensung,
Kawm a,maimit lekai a i chiemthei nang,
Lawm e lawm aw e.
b) Thei nang e tulsing palkawm,
Tulsing pal tulsing pal t ulsing pal kawm,
Sanuoivom ngam na’ng lawm e lawm aw e. -ZOLA no.199

62.Ka ngainou toh gi bang khenta’ng
a) Ka ngainou toh gi bang khenta’ng e,
Zuondam zuondam zuondam huikhi’n,
Zuondam huikhi’n ei sem lou zen,
Ei sem lou zen aw.

b) Ei sem lou zen aw manaw munzang,
manaw munzang,manaw munzang,
Leinuom ah nang na khawl aw,
Nang na khawl aw lawm. -ZOLA )no.197

63.Tuoi Mânnieng
Lâmlâm leilah I lâmkîl zawl ah dei toh,
Dei toh,dei toh lâmkhawm,
Dei toh lâmkhawm zaidei tongsân nuom,
Tongsân nuom e,tongsân nuom aw e.

Tongsân sânnuom sânchimla’ng e,
Sênsân kei ngainou sênsân ngainou,
Sênsân ngainou tongnuom tuoi Mânnieng,
Tuoi Mânnieng e,tuoi Mânnieng aw e.

89.Ka lungzuon aw
a) Ka lungzuon aw Kângtui vâimâng
Kalemyo dung ngâi in ka ngâi e.
b) India leng tampi mu’ng e
Ava lâi a, Tamyo tuong aw e.

90.Tun simthu lou vaimang simthu’n
a) Tun simthu lou vaimang simthu’n,
Doulai kullu ding aw zuong veng e.
b) Kei aw zuong veng nasing nuoi ah,
Limlien gammawngsing aw ei sel aw.-Zola Sânnêmla no.10

91.Lentukuom tongluong ngainou leh
a) Lentu kuom tongluong ngainou leh,
Huikhi tham lan limthe khuon,tullim nuom aw e.
b) Muoldawn naneu huikhi thamlan,
Sunni tumkuon tuldang lem silsel nou bang e. -ZOLA no.359
92.Cieutui limlien tuonglam lai a
a) Cieutui limlien tuonglam lai a,
Tuoilou ngalliem zuomin siel,
Tun min va lou khata’ng laizom aw.
b) Thangvan tuonglam lummei kisung ngai hemlaw,
Khimzin ka zalmang bang cie tuoi aw.
-Pu.Gouzapau-ZOLA .364
93.Pheiphung suon lenmuol na kal ta'i maw
a) Pheiphung suon lenmuol na kal ta'i maw,
Maimit suon kuitung nawn sing aw e.

b) Sunni tum kuon galkhuo don leng,
Nung sulle ngai melmu thei sing e. -Niengbawi-ZOLA no.368

94.Nung leh ma ngaiteng siel dinga
a) Nung leh ma ngaiteng siel dinga,
Sielching gamguo bang ka hin aw e.

b) Gamguo bang h ing heina melmang,
Pham leng lenzawl bang zang ta zaw’ng e.
-Pi.Noukhancing-ZOLA no.375

95.Tun toh kâi lou zuo toh kâi lou
a) Tun toh kâi lou zuo toh kâi lou Lunmun a,
Phielva bang ka lâm kei aw ngalliem,
Kei aw ngalliem aw.

b) Ngalliem vontawi tang suon zanglou,
Pheiphung suon duoi kei aw ngai,
Kei aw tang ngalliem. -ZOLA no.379

KI-ÎTNA LATE (KIDEISAHNA LATE)
70.Eiteng liliei i vângkhuo ah
a) Eiteng liliei i vângkhuo u’ah,
CingKhup Ngambawmte bang hihai e.

b) CingKhup Ngambawmte bang hihai,
Thanghou Liendoute bang hihai e. -ZOLA no.35

71.Eiteng liliei gi bang khen ding
(a) Eiteng liliei gi bang khen ding,
Daw-ai san lei pha ke’n te maw lawm.

(b) Daw-ai san lei pha ke’n te maw lawm, Bu-al ziet in khen ke’n te maw lawm. -ZOLA no.88

72.Eiteng liliei gi mawng bang kikawi
a) Eiteng liliei mawng bang kikawi,
Zingchieng sam bang kikhenta ding aw e.

b) Zingchieng sam bang kikheta ding a,
Muolchin sanga donleng ding aw e. -ZOLA no.89

73.Zota vontawi piengsawn seinouguol
a) Zota vontawi piengsawn seinouguol,
Tong kituoh zodamtui bang luongkhawm lei nuom e.

b) Tui bang luongkhawm lungkituoh mawng bang kikawi,
Damtui a zal limnga bang lawmkhawm lei nuom e.
-Pu.GouZaPau -ZOLA no.357

74.Tulai seinou Sien chinthu ka awi chia
a) Tulai seinou Sien chinthu ka awi chia,
Awina bieh-inn kailou a,Tulta nuoi a lengkhawmte aw e.
b) Tuon-a pupa kou ka khanlai un,Ningzu ne taikhuo kival a,
Guol toh lenpuon kizawng ngamlou e. -ZOLA no.112
75.Minthang thuongvum chieutui dingmuol
a) Minthang thuongvum chieutui dingmuol,
Galdot lentang nou toh kilawm e

b) Minthang vaitui luong dieldiel leh,
Khangggun tuipi kingai lou ding maw lawm.
-Pu.GouZaPau -ZOLA no.358

No comments: