DICTIONARY OF ZO POETIC WORDS,METAPHORS AND SIMILES VOL.I

ZOLA LEH LAHÂMTENGTE

Zola bang e? Zola ahileh nidanglâi a,i pu i pate’n lahâmteng zang a, a nasah let uh late ahi. A kipâhni,a guolnopni,a dâni ,a tonni,ahilouleh a aini cieng u’a Zolate a sah zêl uh ahi. A lungsim sung u’a thâmden,a sinlâi sung u’a kulphum ngaituonate zaila ngaitahin a na sa let uh hi. Zola ngai tem bang a na tawi let uhhi. I pu i pate’n a khanlâi un,la a na sah ciengun lahâm ngen,a na zang zêl uhhi.Tuhun ciengin Zola i ciengin ei Zokam a,kiphuo leh kisa la poupou Zola a’ng kici zêl tahi. I pu i pate’n ‘Thu i ci La ahi’ a na ci u’a,Thu khu La ahi a na ci uh azieh ahileh, Lahâm pên kholâihâm toh kibanglou ahi. I pu i pate’n a lungsim a sinsim sung u’a a na ngaituonate uh,a tawndânte,khosahdânte,biehdânte tualeh a na pankhawmdânte uh nempite tam Zolate sungpan thu leh la tampi a’ng kitheithei hi. Zolate sungpan in tamte a’ng kihilcien hi. Atângpi in,a thupuoh dungzuiin Late ci 40(sawmli) bang a khenthei ahihi. Tam teng ahi: 1.Mîm-ai la 2.Tâng-ai la 3.Sa-ai la 4.Gâl-ai la 5.Hânla 6.Shilap la 7.Guolnop La;kiphatsahna la,ahisihleh khandân la leh adangdang a huop hi) 8.Gamngâi(ît) la 9.Sânnêm la (Zawl la) 10.Shimâi la 11.Hasiet/Hlasiet La 12.Kidêhna la 13.Kideisahna la. 14.Kihânthawnna la.15.Nâupang la 16.Kivâihâhna la 17.Lungkham (nat) La 18.Tonla 19.Kinunna La 20.Kikhenna la 21.Tapidaw la(Pasien La) 22.Kithoina La 23.Lapi(Be leh Phung la) 24. Politiks la.25.Kipâhtawina la.26.Kigênphatna late. 27.Kithuhilna la.28..Khodou Pawi la.29.Lampisuh la.30.Lâmkîl la 31.Sawlnei la.32. Dâh La. 33.Louma la.34.Dawila 35.Nâu-awi la 36.Khuoi la.37.Hâmla 38.Lawm la.39.Latom la.40.Tanu hlâhna La. A sahdân(a kaidân) dungzui in, Zo Late ci 14(sawm le li) a khenthei kia lêulêu ahi.Tamteng ahi; 1.Zângta La 2.Lalêh 3.Toumun la 4.Sânnêm/Zawl la 5.Hâidawi La 6.Tuivâi la. 7.Phâisât La. 8. Simla. 9.Phâitu La 10. Langûi La. 11.Tapidaw/Hattuom la/Khristien la(Latha) 12.Tulâi La (Modern). 13. Hânla.14.Rock Tualeh;Zolate sunga lahâmtengte pienna ci 20 (sawmni ) banga,khenthei ahi. Lahâmtengte/Lakamtengte a’ng pienkhietna tam anei silteng pan ahi:-1.Leitung ganhingte(Terrestrial Animals) lawi,zuhsiel,sawmsiel,siel,simsiel:kithanna,minthanna,thupina,hâtna. gamsegûl:- buoina,lunggimna,gentheina,kânkuotna,nawngkâina.2.Tui ganhingte(Aquatic animals):- limnga,linga:nunnopna,zalênna,kinoptâlna,kidâithana.3.Tunglêng ganhingte(avians-birds) va:-pilna,matna,siemna. hûiva:-lungzuonna,lunglênna,dâna. gîtva:-deilouna,deimawna,nuolna. mîmva:-tâuna,thumna,ngetna,biehna. lawhta,zolawhta,zolawta: thûmna,lungzuonna,lunglênna. 4.Tunglam silte(heavenly bodies/cosmos) :ha,solha,solkha,sol,solnou, si-al,alsi: lungzuonna,lungzinna,lunglêng,pangpâ. sunni,tungsunni,kawlni:-thupina,lalna,zaletna,khanletna.

5.Singkungte leh louhingte(plants and trees) tulsing,tullim,tulta:- ngaizawng,ngainou,ngai,kibelna,kibuhna. tûm:-vuoina,têhna,thakiehna,shina. mawngsing,gammawngsing:- letna,thupina,khanletna,lalna. lênsesing:- tahtâina,gin-upna,gin-opna,thutahna,thudihna. nâlguo,phûiguo:-hinkiana,hâtkiana,thakidukiana,khanletkiana. ûm:- kithuzâhna,kituona,khawlkhawmna,houlimna. mangsing:- deilouna,nuolna. ling,gû:- gentheina,douna,thuohlana. 6.Pâpete(flowers) tumtai,leidi,zopâ,zoheisa,heisa,khanglênheisa,khuongsel, dingdi:- ngaizawng,ngainou,îtna,khandohna,khanletna,gin-op -na,gin-upna,tahtâina. ham:- gentheina,hâsatna,buoina,liengvaina,gimna,tawlna. 7.Theite(fruits) hâi,sunhâi:- kingana,ngana,munuomna,lunggulna kangthei,thei,khangthei:- ki-îtna,kihêmna,kinun-kitênna,solna. 8.Tui leh luite (water and rivers) tui,li,tuili,khanglênli:-kituona,kithutuona,kigawmna,kisolna, letna,lunggimna,lungzuonna. 9. Khovêl silpiengte (Natural phenomena) guo,guaw,tuoiguo,tuawiguaw: guolzawlna,hamphatna,vâng. giel:- dâna,sunna,lungzuonna. zil,khopihui:- zâuna,huphulnna,kingamlana,kithawina khimzin,khimzing,simzin,simzing: lunggim,lungzuon,buoina ngoumei,lummei,khanglummei:- lunglênna,dihtatlouna,zuon. 10. Nêh-leh-dawnte (food and drinks) ann,sunkhing ann:- ki-itna,ki-ngâina,kihepina. zu,ningzu,khuoining,dunien sunglaw: kideisahna,ki-îtna, kipohna,nienna,kisaplouna,kiningchinna. du-âi,du-âisa,nignzu-âisa, âi:nienna,kisaplouna,kiningcinna. mîm:-pienna,suona,kipatdohna,khuo. tâng,zotâng:- damna,hinna,damtheina. 11. Gamtatna (action) hawmtân,sase tân:-tanna,tanglou,ngâlou. 12. Tahsa hiengte (Body parts) gi,samgi,tan:-kikhenna,kibalna,khen. 13. Lâm leh late (songs&dance) lâm,lâmkîl,lâmtuol,nunnuom,pezil:kipâhna,thanopna,pawi, nopbawlna,nopsahna. 14. Loute (Fields) pâmlou,loutuol,lou:- sepna,vuoilam,têhlam, tanglou:- lungsim kihonna,lungsim kipiehtuona,kihoulimna.
15.Lampi (roads and paths) tuonglam:vângbuohna,sepna,gamtatna,hamphatna,kâmphatna, guolzawlna,vângphatna pheilam:- vângsietna,cimawna,kisolna,kihêmna. 16.Vanzahte (tools and implements) thâng,gâthâng:- ki-etna,kivêna,kivilna,kihelna,kikawmna. ngawi,lum,phaw,siellum:- kidâîlna,douna,khâmna,kikhamna. tem,temhiem,nâmtem:- hâtna,ngalhâtna,bawltheina. lumsuong,khuom:- detna,kipna,kituona,gamluona. pal,dâi,gawlpal,lâigawl:- douna,khamna,kidouna,nanna,vêng. sihjawl,jawl,sihzawl,zawl;- hamphatna,hamsietna,guolzawlna. bêl:- sutuo,suong,sahna,tênna. khâu,huolkhâu:- ngaituo,thuhtuot,lungbuoi. gie,phuolgie:- sepna,tohna,kukalna. kâi:- zawlna,thuzawna,deisahna. loutuol pat,pat:- thanemna,thanguina,thabeina,gimna,dâna. 17.Puonsil leh tên (Clothes) puon,silpuon,dumpuon,khangdumpuon: sepna,nuolna,thêtna, deilouna,,ningkitelna. kâidiel:-khâiliana,guoljawna,guolzawna,lawchinna,tungtuon 18.Sum (money) sesum,singsum,sum:- kimutuona,kinuolna,kideilouna,kithêtna. 19.Nâusên (baby/infant) nâu,sênnâu,sunnâu:sânna,deina,îtna,kingâina,hepina,deisahna. 20.Ganhing nêute(insects) the,limthe,zolêngthe:-kipâhna,lungkimna,nunnopna,lungzuon. ngalkhuoi,khuoimu,khuoi:-lungthahna,hânna,thangpaina, thupuohna,thuhilna. Lahâmteng a’ng pienkhietdân Thuteng/kammal sunga om kamteng(syllable) pawlkhat nini a dingtonte a kilêhei leh Lahâmteng(Lakamteng) suoh uhhi. Etsahna in; bekan=kanbe, singkang=kang sing, zuning=ningzu, sakol=kolsa, sazuh=zuhsa, vaphuol=phuolva, valuh=luhva meikam=kammei, lamphei=pheilam, gophel=phelgo leh adgdg. Kigêntêna(metaphor): Lahâmteng, akhietna tuompi khat nei khu Kigêntêna(metaphor) akichi hi. Kigêntênate(metaphors) pawlkhatte tam anei bang ahi:- dawngkot=lungsim,ngâina. douling=gâl. gamgîtva=deilou/nuol mi. gamguo=midangte,phung dang gammawngsing=mihât,milien. ha(hla)=ngainou,ngaizawng. hakie,hlakie,khakie=shi,muolliem. heisa/zoheisa=ngaizawng. hûiva=ngaizawng,ngainou. innguo=kinâipi,innpi,hieng.
kûisieng=vânsawlsieng,angel. leidi=ngainou,ngaizawng. muvânlâi=vânlêng, lênna. namzingzu=hagâu,ha,shiha,shihla phuolva/phuolleng=ngainou. kûlsîntang=shi,si,shina tuoh sietlei kûlsu=shi,si sieltei lâisu=si,sina/shina tuoh solha,solhla/solkha,solkhapi,solnou=ngainou, ngaizawng, kingâipi. sumphung=relative, kin. sunni=mithupi, milun, milien. tulsing,tullim,tulta,tumtai=kibelna,kibuhna,lawnngâi,ngainou. zolawhta= ngaizawng, ngainou citeng leh adangdangte tampi om nalâi hi. Kitêkâhnate(similes):- La a kiphuo ciengin kitêkâhnate toh a’ng kiphuo sê leh ngâinophuoi mama a tuaci’n i lungsim sung, i sinsim sung leh i sinlâi sung a’ng khoi mama hi. La khat poupou kitêkâhna tellou a zang petpot tangtah a, a’ng kiphuo leh a khietna thûh pen i lungtang sungah a lut zou si’a,tualeh a’ng zêlvut zou sihhi. Nicin i hâmzah banga late i phuo leh,a lim zou sih hi. Tabang kitêkâhnate pen Mângkam in Similes a kici hi.Tana aneia kitêkâhnate khatkhat in ensuh vâi. Et :- al bang dâ=lunggim, lunggenthei,dâ. ânglâi nâu bang pom=dei mama, ît mama, ngâi tinten, ît leh ngâi tuntun khat khu ângsung a nâu deitah pom bang a ngainou pom. ci bang phûm=hâici tu,hâici leinuoi a phûm ci bang têl=haici tel banga deitel. cinthu lam bang zang=lampi zang banga tang,dih. cinthu tânsing bang lâigil=kichiemna daulou. cithu lam bang zang=tang,dih dawn bang tuoh=kilamtuo,vâidot,kimutuo. damtui bang luong=kituohtaha omton,tongkhawm,kikhenlou a sêmkhawm. gi bang khen=khen,kikhen,kigawmlou,kinunglou huiva bang lêng=vah,kholai leng,haw,nuomsa,zalên. khuom bang dou=nang,dou,kidou. lênsesing bang gil=gil,ngot lou,tâh,det. li bang ching=tuilipi a tui tampi banga kikhol,tam,vûm. mung bang khaw=bulbawl,sudet,khawdet,pîbawl. nga bang lênna=lunggimna bei a nopsahna mun/gam,munnopna gam. nâu bang awi=hai,hlai,lhai,taisah. nâu bang hlai=him,hlim,lhim,kimusah. nâu bang kap=da,lungtailou,taimaw,hisuoh,kap leh mâu. nâu bang kihlim=nuomtah a kimu/imu. nâu bang kinou/nou=kideitah leh kipahtah a kinou. nâu bang sâng=dei,ngâi ngîtngêt,it mama. pâh bang tawi=kipâhpi,phat,tawisâng,pâtawi. pê bang zil(zilkia)=lâmkâi kipê banga pê,zuikia,mangkia,zoukia. sang bang sûi=hawl,zong,jong,enkawi kawi,sa mat dîng sûi banga dei khat sûi.

ZO LAHÂMTENGTE LEH KITÊKAHNATE
(POETIC WORDS AND METAPHORS)

âi=khamthei leh guithei nêh-leh-dawn sil,mottheina sil.
âisa=sa-âi,sa.
âisa nieng=kham,tai.
ajum=azum,adop.
al=âh.
ângkawi=zi,pasal.
ânglâinâu=ângsung a nâu.
ann=hinna dîng a kinê nêhsil.
akimchieng=alangkhat.
alsi=â’,âhsi.
alva=va,vasa.
alvanu=va.
amizatam=mi tampi.
ânglâi=âng sung.
ângshie=ângpom.
ava=va,vasa.
avalêng=vasalêng.
aw=ngetna hâmteng.
aw=kâi.
aw e=deigaw ngetna hâmteng.
awkhi=khi,khi-aw.
azum=ajum,adop.
bâbil=bilbâ.
bâkhi=khibâ.
bâsam=lawsam,tasam,genthei mama.
bânjâl=bânzâl,khut,khuttung sil,silpieh.
bânsam=panpi kisam,panpi langkhat neilou..
bântawi=khutsuo,khut atawi.
bânzâl=bânjâl,khut,khuttung,khuttawng,bân.
bânzâl nêlzut zînmâng= hing zawlzawl ha hoilou/ hagilou.
bânzâl sêmkawi=sâisîp,khutkawitum.
batphu=phuba,phu.
bêmtâng=tângbêm.
beng=sêng,kawng tojum.
biphal=phalbi.
biphalnu=phalbi,nu.
bûhtui=tuibûh.
bûhtuol=loubûh mâi.
buolna=inn,khuo,tênna mun..
buolna vângkhuo=khuo,tênna vângkhuo.
buonzawl=buol,buon buol.
chieldaw= kemka,tâng,dolsing tuong sângdaw.
chiem=thuchiem.
chiemna=thupiehna.
chiempêl=thuchiem kipêl.
chiendâl=dâhpi,zâmpi.
chieu=Ipu-ipate anatênna u’a lui min khat;lui,vadung.
chieugâl=luigâl.
chieukuom=luikuom.
chieului=luidung.
chieu lumsuong phei=lui suongphêng.
chieugâl=luigâl.
chieului=luidung.
chih=bangchih,chin.
chihchieng=banghun chieng,bangchih chieng.
chihleh=bangchih chieng’nleh.
chîlpan=chîllâi apat.
chîn=sanggampa/nu,u.
chîngin=sanggampa.
chînlam=u pa.elder
chînlienu=sanggamnu.
chinthu=thu,thu-leh-la,simthu.
chinthu kûlkhum=thu îp,thuphuol gûh.
chinthu lêl=thugên,thuhil.
cieldaw= kemka,tâng,dolsing tuong sângdaw.
ciem=thuchiem.
ciemna=thupiehna.
ciempêl=thuchiem kipêl.
ciendâl=dâhpi,zâmpi.
cieu=Ipu-ipate anatênna u’a lui min khat;lui,vadung.
cieugâl=luigâl.
cieukuom=luikuom.
cieului=luidung.
cieu lumsuong phei=lui suongphêng.
cieugâl=luigâl.
cieului=luidung.
cih=bangchih,chin.
cihchieng=banghun chieng,bangchih chieng.
cihleh=bangchih chieng’nleh.
cîlpan=chîllâi apat.
cîn=sanggampa/nu,u.
cîngin=sanggampa.
cînlam=u pa.elder
cînlienu=sanggamnu.
cinthu=thu,thu-leh-la,simthu.
cinthu kûlkhum=thu îp,thuphuol gûh.
cinthu lêl=thugên,thuhil.
dâi=sip,thawmging nawnlou,ullou,haltalou.
dâidam=sip dide,ulta lou,dâi dingding.
dâidam tulnu dawnsuong ta’i maw?=ka ngainou lûi sipden na
dam na’i mah?.
dâikaikên=kêntawng,kên.
damdiei=avot na mun,adap na mun,nisa dielna mun,sing hîm(hlîm) mun vot nopmama
na mun.
damtâu=lungzuong a mâu,tahsa tung a thuohla khat anei man a hâm,va guitam.
damtui=tui.water.
damtui kûlthûh=tuili thûh.
daw-âi=bum,hêmna.
dawkuong=tui dawna dînga singluong kitoukuoh khu dawkuong kichi ahi;tuama bang
in,voh-ann piehna singluong kitoukuoh zong vohkuong kichi ahi.
dawkuongtui= khomite nêh leh zah dînga dawkuong a kidaw tui khu dawkuongtui ahi.
dawnêm= khawllimna dînga kem kidaw sâng mun nuom khu
dawnêm akichi hi.
dawngkhawn=kithang,zêlsuoh,kithei.
dawngkot=kot,lahâm in kot khu lungsim toh kitêkâh ahi.
dawnpeng= guo apat kisiem zu dawnna dawnkâi.
dawnpeng kuoi=zu dawn.
dawnsuong=seltha,hingkia,gakhie.
dawsuong=suongdaw.
dawtam=khawlna suong ahisihleh kem kidaw.
dawtuong=tungdung,innsung.
deichi=hâichi kitu/kithê kuon chienga ahoipênte kitêltuom banga;
mi tampi lah a, i mi dei-leh-ngâi têltuom khu deichi kichi ahi.
deithawl=thâu,hiem,khutlâi.
diabawl=dawi bawl.
diep=a muolhîm ahisihleh singhîm in aliekhu,sal lou,miel pien,dêp.
diekûn=innkûn.
dieldiel=kituoh dieldiel.
diemdiem=nuomtah in,kituohtahin.
dingmuol=muol.
dingmuol vumsâng=muol din sâng,muolsâng.
dolchiel=dolsing touna.
don=ngaituo,gêl,henla gêngên,en gige,ngâina tah a gêl zing.
donchimla=hengla, gêlchimla, enchimla.
dongman=dongjah,adang umlou,chimawmanzah,beidong man.
dingmuol=muol.
dingmuol vumsâng=muol din sâng,muolsâng.
dolchiel=dolsing touna.
don=ngaituo,gêl,henla gêngên,en gige,ngâina tah a gêl zing.
donchimla=hengla, gêlchimla, enchimla.
dongman=dongjah,adang umlou,chimawmanzah,beidong man.
donlâi=gêl zing gige, ngaituo ngiangua, ngâi ngêtngût.
dougâl=gâl.
dougam=gâlgam.
douhên=gâlmat,mat,suoh.
doulâi=gâldouna,mêlma.
doulâi kûllu=gâldou/gâlkâp dîng a kuon ahisihleh sunglut.
doulâl=doulâi,gâldouna,mêlma.
douling=ling,mêlma,gâl.
douteng=gâlteng.
dumpuon=puondum.
dungsûn=lawm,nal.
dunien=duduteng nieng,nêh-leh-tâh kitâhsaplouna.
dunien sunglaw=ann duduteng nieng.
dunien sungtui=zu niengtah sa niengtah dinmun.
duoi=thabei, zoi,nêm mama.
duong=tahsa,pumpi,puom,mêl.
duong a bât=sil,vât.
duongkuoi=lungsim kuoimi/hîpmi, mi ngâihuoi mama,lungsim kuoi
lungtang hîp.
duongzûn=mêl-leh-puom,tahsap puohdân.
duongnêm=tha ngûi vangût, tahsa in lel mama,lungsim a genthei mama.very tired.
duongsuo=mêlsuo,pum,mêl-leh-puom.
duongtân=tanjoulou,kitênpilou.
duongtân ngainou=kinunpi/kitênpilou jawlou ngainou.
duongthâm=tahsa a lut/thâmden(gu bang zen).
duongzen=lungkhoi,lungsu kha.to touch,to effect,to overwhelm.
e=ahi,hita.
ei=hing.
gâhlieng=taga,liengvâi,genthei.
gâldon=gâl ngaituo,khogâl apat a en.
gâldot=gâl-et,gâl ngaituo,khodâh,khogâl apat a tuot.
gâldotvângla=gâl ngaituo.
gâl in don=khogâl apat a ngaituo/tuot.
gâlkhuo=khogâl,gamlapi apat a khuo kimu khu gâlkhuo.
gâlkhuo don=gâl ngaituo.
gâlsiel=siel, gamlah a vâhtâp siel.
gamchin=munjousie.
gamgîtva=vagih.gamgîtva bang hêu.
gamgûl=gampalah a gûl.
gamguo=gamlah a pou guo.
gamhûiva=gamlah hûiva.
gamjâng=gamzâng,gamtam.
gamkhisa=sakhi,gamlah sakhi.
gamkhuva=vakhu,gamlah vakhu.
gamkuom=kuom.
gamlei=gam,tênna leitang.
gammawngsing=mawngsing.
gammuol=muol gamla,mun gamla.
gamphuiguo=gam guo(rain).
gamsegûl=gûl.
gamsi=phalbi chienga khomuol a kigâl mu mêisîkâi.
gamsie=gam hoilou,gamgaw.
gamtulta=gamlah singkung nêu.shrub,small forest tree.
gamtulta=gamlah singkung.
gamvûikhâu=khâu.
gamung=ga kâina singka khau.
gamvângla=gamla,gamlapi.
gamzâng=gamjâng,gamtam.
ganâng=nâng, guo a kibawl sil iana van.
gâthâng=sa matna thângkam.
gawl=lâigawl,lam,peina lampi,gawl dung..
gawlpal= lâigawl,pal-îm.
gel=zuollou, kitawldamna neilou a genthei.
gêl=tuot,ngaituo.
gellieng=genthei,liengvâi,hâsasa,gim mama.
gepkhuoi=khuoikhep,khuoigep.
gi=kikhenna,samgi.
gie=ha,mul,vamul.
giel=hina,hâtna,lutna,letna.
gihva=vagih.gamgihva bang hêu.
gilbu=â’bûh,â’gil,âhbûh,âhgil.
gilbu-al=â’,bu-al,âh,â’gil a âhluitang.
gimsi=hu,gimnam,namdân.
gîtva=vagih.gamgîtva bang hêu.
gû=khamthei leh guithei sil.
guaw=tuiguaw,âiguaw..
gûikhâu=khâugûi,huolkhâu.
guisuon=suon,chîn.
guizopna=khangzopna,khanggui zopna
gûntui=tuiluong,luipi.
guo=innguo,gamguo.
guoi=lawm,guol.
guol=lawm,guoi.
guol=hon,lom,khanguol.
guolgimnam=midang gimnam, midang ngâina lungsim.
guol gimsi=mi dang gimnam,mi dang ngâina lungsim.
guolkhawl=lawm,guol,mi.
guollâi=mi lah a,miza lah a.
guollêl=mi gên,mi lêl,guolte thei.
guolngai=lawmngai,ît-leh-ngâi lawm.
guolnuom=nopsa,nuomsa.
guolpâi=lawm,guol-leh-pâi.
guolpâl=lawm,guol-leh-pâi.
guolphung=midang be-le-phung,phungdang.
guolsa=saguol.
guolsan=mi thugên,guol thugên,mi thuhil,mi thumop,mi thusang.
guoltong=mi thugên,guolte toh kihoulimna..
guoltong nuom=mi kam apat a jâh anuom hi,mite thugên izâh leh a nuom hi.
gûsa=sagû.
hâi=zu hâi,sielki hâi,hâikêh,zu dawnna nou.
hal=kikâh,muol in akhen.
ham=loupa,hampa.bramble,grass.
hâmmawl=hâm kitheitheilou. etsahna: singtângpa adîngin Hindi khu hâmmawl ahi.
hang=hing,hung,hong.
hângsa=sahâng,gamsa.
hankhûh=kivuina mun.
hânlung=lungsim hângsan, jâulouna lungtang.
hânlungchiem=hakat,kichiem.t
hânminsiel=kingaituo.
hânzai/hânzei=hânla.
hânmin(zuo...)=minthanna,hatna,handan.
hânzei tawi=hânla sa.
hâuta=mi hâusata,hâusata,mi ngamhuoi.
haw=lhaw,khâm,peida in chia chiel.
hawmsiem=siem,ching.
heidân=piadân,gamtatdân,piendân.
heikuom=heigam,heisung,heimun.
heina=lênna, gamtatna, tênna mun.
heina kâidang=tênna tuom,midang khattoh kitêng.
heina kuomthûh=tênna gamla.
heipi=kinunpi.
heisa=sahei,singkung hieng lah a pou pâpe etlawm chikhat.
heisa’n na kâi vâng(tulkung ah)=nang na ngâi khinkhian vâng.
heita’w=peita aw,zûita aw.
hêkâi=lungzuong,lungsiel.
hêkhuotuo=khotuo, hepi, lungsiet.
hêkhuo ei tuo aw=hing lungsiet in aw,ei hepi in aw.
hêmlam=solna lam, zuou bawlna lam, kisolna.
hêmlam simthu=kisolna thu,zuouthu..
hêmlaw=hêmna.
hêmlaw=zuouna,solna.
hêmlaw vei=kizuoubawl jieha natlaw.
hêmthei=theihût,theimuot.
hêmtong=solna thu,zuouthu.
henêm=lungsim nuomsah,hânthawn.
hênkol=kol,sal,salmat,mat.
hênkolbu=man,mat,suoh.
hênta=gâlmat,thongkie,mat.
hênuom=mithunop,mi ngâihuoi mama,mi nuom mama.
hieltuoi=singtuoi.
hieng=bâ,singbâ.
hiengtung=singbâ tung.
hiengzâm=singbâ awn,liendoh.
hîmsun=nisa khawkhâhlou,diel.
hou=lhou,pei si’n chia chiel.
houlung=lungsim,houlimna,lunglutna.
houlung tuoh=lungsim kibang ki-îttuo/kingâituo,kihouthei,kituopi.
houlung kum=kihoulim,kikumkhawm.
hounêm=hounop,thunuom,kamsiem.
hounuom=thunuom,houpinop,kamsiem.
huikhi=huisi,hui.
huikhidam=huivot.
huikhidam lâng=huilâng.
huikhilâng=huilâng,huinung.
huikhi toh nêlzâp=hui in sêm.
huikhuo=khuo.
huisi=hui,huikhi,huisi.
huisidam lâng=hui lâng.
hûiva=vahûi.
huiva damtâu=vahui hâm.
hûivanou=vahûinou.
huivanu=vahui nu.
huoina=etna,donna.
huol=ngaituo,gêlgêl,tuot.
huolkhâu= gamkhâu kihuoltâh tonsieltal kikhîna kimang let.
humtâng=tânghum.
huongsuon=huongsung a suon haichi.
huongvul=khawi,‘huongvul sawmsiel’.
huongzawl=inn sungmi,huongsung a zawllut.
huonlougît=gîtta,gita.
huontuoi=singtuoi.
hût=sie,muot,mawhna suoh.
innguo=inn kûng lah a pou guo,kinâipi.
jaidei=zaidei,ladei.
jaila=zaila,zeila,la.
jaitha=zaitha,zeitha,tha,tha-le-zung.
jâl=zâl,lum,shi.
jâlkhun=lupna,jâlna.
jâlmang=zâlmang,mang.
jâmluong=zâmluong,zâmpi,zâmging,dâhpi,dâhtal,dâhgin.
jâmzou=zoujâm.
jângkawlva=zângkawlva,vasa.
jângni=zângni,nipi.
jângphuolva=phuolva.
jângsiel=zângsiel,siel chikhat.
jâng tunphe=zâng tunphe,tunphe.
jângva=zângva,va.
jângvuisâi=zângvuisâi,sâipi.
jângzung=zângzung,zânggam.
jânkhosawt=lunggel tampi nei jieha kimuthei lou in zânkhuosâu,
zânlâisâu.
jânkhuo=zânkhuo,zânlâi.
jânkhuomiel=zânkhuomiel,zânmiel,vâhtellou.
jawikâi=kâina tuom nei.
jawng=zawng,loukâi khawm,hou khawm.(lou hou).
jawng=zawng,puon sil khawm.
jedam=zedam,lungsim,ngaiituona.
jeitha=zeitha,zaitha,tha-leh-zung,tha.
jejum=zezum,zum,dai,mâizum.
jîn=zîn,ha gilou,natna tungsah thei leinuoi a têng dawi chikhat.
jîn daw-âi=zîn daw-âi,ha gilou in ahing zawlna nêh-leh-dawn sil,
sietna lam,manthâina lam,shitheina lam.
jînmâng=zînmâng, ha hoilou,natna tungsah thei leinuoi a têng dawi chikhat.
jîn lâilên kâl=zîn lâilên kâl, dawi-leh-kâute ahing vâlou lâh kâl,
tuachieng a ahing natsah lou hun lâi.
jînlêng=zînlêng,dawi,ha gilou hing vâh/khawl.
joukuom=zoukuom,singtâng muol leh muol kikâh a gamhawmtou.
joulei=zoulei,zolei,singtâng lou.
kâi=kisathei,zum,kâl;‘tuongtun kâi’.
kaibi=bi.
kâidang=mi dang ngâi,mi dang dei.
kâimuol=muol.
kâiningzu=zuning kâi.
kâmmei(nou)=meikâm,mei.
kân=muikot kân,sieltal kân;pawibawl chienga tangvâlte kidemna dînga kibawl muikot
kânsâng.
kanbe=bekan.
kângmei=mei..
kânsâng=muikot kân dinga kidaw sil sâng,sâng mama.
kangsing=singkang.
kangthal=thal,hiem.
kangthei=thei chikhat.
Kângtui=tuikângpi,tuikâng.
kângpum nâlguo=gopum.
kânkil=kot.
kânkong=kot.
kânkil lumsuong=suongkot.
kânkong=kotlam,kot.
Kângtuimâng=milien-milal.
kawi=zi,pasal.
kawlchieng=thâu,hiem,khutlâi.
kawlhei=hei.
kawlkî=kî.
kawlni=nipi.
kawltu=tukawl..
kawltu tawi=thâu tawi, lou hou.
kawlva=vakawl.
kawmna vângla=kikawmtuo mun gamla.
kawmpal=palkawm, pal zui tuomlah.
kênlieng=kêntawng,hawtawng,kawl..
kha=ha,lha..
khâigam=gamdang,mi gam,kolgam.
khâimu=mu,simu,tungmuvânlâi,tungkhâimu, vahou, valhou.
khâimu lêng=mu.
khâkie=shi, pham, muolliem.
khâkieh=shi,shina,phamna,muolliemna.
khal=zûi,nuazûi.sa kâpsa nuazui khu sa khal kichi ahi.
khalei=leikha. white-ant.
khamkha=natna,natna huoisie,damlouna.
khamkhanu=khosienu,dawi.
khamkha vei=damlou,dawi vei,sawlsam vei.
khapham=shi, muolliem, shina, muolliemna.
khanggûn=hanglam(lhanglam) gûn.
khanggûntuipi=simlam gûnpi.
khangkhân=sângkhân.
khangkhân dawnuom=tutvum khawlna/touna kidaw mun sâng.
khanglân=khâl hui,huikhi.
khanglênli=tuili,gun lî minthang khat.
khanglenpuon=puon,sil-le-tên.
khanglummei=lummei,meilum.
khangnou=khangtha,khanglâi,tuoilâi.
khangsum=sum.
khangthei=simlang thei chikhat.
khantungtawn=damsung,khantawn
khangvâimâng=Kawl kumpi.
khangzâmluong=zampi..
khapi=hapi,lhapi.
khâusa=sakhâu,thong-ip.
khawlân=khohui lân.
khawlna tullim nuoi ah=sing hîm nei a kitawldamna nei ah.
khieplou=thuoh law.
khîmpi=khuo..
khimzî=khuomiel.
khîmzîng=khuomiel kêikûi,mutzîn.
khîmzîng=khomiel,lungkham,lungzîng.
khinkhuozîng=khuomiel.
khing-ann=ann,annkhing.
khinkhian=umden,omden.
khisa=sakhi.deer,hart.
khodon=mong,mutawpna.
khodou=pawi.
kho-ênmuol=ûtna mun,nopna mun.
khoguol=khomi.
khokim=khosung.
kholân=huilân.
kholên=vântung,vânlâi.
kholênmûi=khomûi.
kholênmuol=muol,muolsâng.
kholênvui=mei zîng.
kholênvuikâi=mêizîng,meikâi.
khokhâl=khâl lâi tung, ‘khokhâl hui/tui’ kijang hi.
khomêlma=khodang,mikhuo.
khomuol=khuo tun kuon a muolsuongdawna mun.
khongâi=lunglêng,kingaituo,tuot.
khoungawn=hou,ia,kândet.
khopâm=pâm,khopulam.
khosahte=suolam mipil thumte.
khosawt=sawt.
khosiel=khawisiel,siel.
khoungawn=doujou,thatjou.
khovui=meizâng.
khum=kân,pêl,khûp.
khunlân=lâikhun,lupna.
khuoimu=khuoi.
khuoining=khuoizu.
khuoivom=vom,vompi,phuoivom.
khuo kei kituo ing=kihêpi ing.
khuokimguol=khomipite,khokimguol.
khuolbûh=giena inn,zintunna.
khuom=inn lamna kizang sing zang.
khuomuol=khuo tunkuon a muolsuong dawna mun.
khuomuol lumzouta=gamchin a kithang jou.
khuonkhân=lou,loubûh,bûhtuol.
khuongsel(/sil)=singkung pâh san gimnamtui chikhat.
khuongsuon bêl=khosungmi,mi.
khuva=vakhu.
kiehlou=loupa.
kieng=zi,pasal.
kikâisah=kizumsah,kiphasah.
kîl=alingnei khangbai mama.
killam=taptung.
killamzawl=tapkuong.
kîlpi=leitung,leipumpi..
kimchieng=kituokim chiengleh.
kimlâi=omkimlâi.
kimpiguol=khanguol, kibahpi, kikimpi lawm, lawm-guol.
kîmvêl=kuol,haw.
kîmvêl=kûnglah,geilah.
kisâi=kidou.
kisâikâh=kidoutuo.
kisang=kitâhla,kipei kawi.
kolsa=sakol.
kotkawl=kawl,kêntawng.
kou=hân,sam.
kûi=ha,lha.
kûijilzap=hakûi zâp,lêng.
kûisieng=vânsawlsieng.
kûivûm=muoldawn,muolvûm.
kûizâp=hâ zâp,lêng..
kûizilzap=hakûi zâp,lêng.
kul=mundet,kibuhna mun,gâl panna,phûm,vuakhum
kûlkhum=phuolgu.
kûllu=sunglu, asung a thûhlût. ,
kûllu=lu,lûtpâu sawm.
kulluong=luong,leisiet tahsa.
kûlphum=vûi,phûm,phuolguchimit,îp.
kûlphum tang=shina tuoh, vûi, phûm, phuolgu chimit, îp.
kûlsîn=hân,lhân.
kûlsu=kumsuh.
kûlthûh=thûhsuh mama,lî thuh.
kulva=va,vasa.
kumchin=kumtawp.
kumkâi=kumkivei,kum khat kihêh,kumkhat hingtung,kumluong,
kum khat pei.
kumkhaw=kumtawp.
kumkhaw ningnêh=kumtawp zu-leh-sa nê a guolnopna, pawi.
kumkhen=kumchin, kum-leh-kum kikhen hun.
kumkhen vazuong=vasa dâmtau chikhat.
kumkhuo=kumtuong,kumtawn.
kum kivei=kumkihei.
kumluong=kumpei,kumbei,kumtawp.
kumnat=sawtnat.
kumtong=hun,hun leh ni,kum.day,time,year,et; “phamna dîng a ni kumtong chiem
omlou”.
kumzawn=kumnat.
ku’ng=ka hung,ka hang,ka hing,ka’ng,ko’ng.
kunglên muolheisa=heisa.
kungtung=satung,tahsa,pum,sunglâi,sung.
kungtungthu=tahsa thu,pum thu.
kuom=muolni kikâh a gamkuoh.
kuomchin=kuom jousie.
kuomthûh=gamlapi mun.
kuva=vaku.
lahâm=lakam.
lahmâi=mâitang.
lâi=gâl,lâi,mêlma,dou.
lâibâng=bâng.
lâichîn= u-pa.
lâidîp=dîp,lungsim.
lâidip nêm=lungjâu,jâu,kingamlou.
lâiduong/nou=mêl,tahsa.
lâiduong kuoi/kuoituom=lungsim a deigaw.
lâigawl=gawllâi,gâl(mêlma) lampi.
lâigil=sung.
lâihên=gâlmat/man.captured,
lâikêh=kêh.
lâikhun=lupna,zâlna.
lâikuoi=lungsim a deigaw.
lâikuong=ann nêh chieng a,alâi a kuongpi kilui khu.
lâikuong ûm=annkuong ûm..
lâilêng=lâihâh,kholâivâh.
lâilou=shisah.
lâilû=lû,lûtsuh,kûllût.
lâilung=lungsung,lungsim,lungtang.
lâilung kuoituom=lungsim a deituom.
lâilung zuong=lunglêng,dâ.
lâimi=gâl,lâi.
lâinêm=lungda,da,lunggim.
lâinu=tanu.
lâinuom=mi lungsim hoi leh thunuom.
lâipuon=golâm,lâipêh.
lâitansa=himawngsa,umsa,pienma apat a ahidîng dân a na umsa.
lâitawiton=kitêng,kinung,kithuo.
lâizawn=pienpi u-leh-nâu,pienpi sanggam.
lâizom=pienpi sanggam,unâu pienpi.
lâizom ângkawi=neita.
lâl=gâl,mêlma,lâi.
lâlhên=gâlmat,gâl man.
lâlieng=genthei,liengvâi,hesuo.
lâl ka naw=gâl ka naw.
lâhmei=mei.
lâmdiel=diellâp.
lamgiel kie=pieng.
lamkieng=lam kûng.
lamkieng tulnu=lam gei a singkung,ngainou.
lâmkîl=mihonpi lâmkâi a kipêtuo.
lâmtâng=lâmkîl,lâmkaina.
lamtang neita=neita,pute tanu.
lâmtuol=lâmkaina.
lâmtuol kâi=lâmkai,lâmkhawm.
lâmtuol kaina=lâmkaina, lâmkhawmna.
lâmtuol sai=lâmkîl suhal,tawmtawi.
lie(lienu)=numei.
langlam=gou,neisa.
lângmâi=mâi.
langmei=mei.
lanu=lienu,numei,ngâhnu,nungâh.
lânzai=hânla sa.
lâukha=hagâu,ha,lha.
lâukha tawldam=shi, pham, muolliem,hlakie,khakie.
lawchieng=luoi,nâng a kiphan luoichieng.
lawchieng a veisa=kikhâmsa,zu-ûm tunsa.
lawhta=zolawhta.
lawmguol=guolte,lawmte.
lawna=kouna,min lawna.
lawng=phawng,loh.
lawtuol koi=kinunpi,kitênpi.
leidî=pâpe namtui zâtkhat.
leidou=gâl,mêlma,douna.
leikhamângpa bang=hâusa,thupi,nuomsa.
lêl=gên,hil,gênkuol,theisah.
lêl=dawn,sâng.
lellieng=genthei,hesuo,gentheina,hesuona.
lemnâng=nâng,nâng dîtsa.
lênchîl=tangvâl/ngâhnu pan ngâijawng deigaw pan lawmngâi chîl,
zawlhêl masahpên.
lênchîl vangngainou=lawmngâi chîl,ngaizawng masapên,zawlhêl masapên.
lêngkêl=kêl.
lêngthe=thê.
lênguol=lawmguol.
lêngvân=vân,vântung,vângam,vânlâi zawl munkhat.
lênheisa=heisa.
lênkawl=lênna.
lênkawlni=nipi.sun.
lenkhangzoujâm=zoujâm.
lenkhuong=tawm,khuong,tawmkhuong.
lênkulluong=leisiet tahsa.
lênkum=hinsung,damsung,hinkum.
lênlâi=tangvâl-nungâh lâi,hunnuom man lâi.
lênlâi sangpâl=tangvâl lâi a kideipi.
lênlummei=meilum.
lêluon=thutahlou,zuou,mihêmtu.
lênling=douling,ling.
lênmui=mêisi.
lênmuol=muol..
lênmuol ding khup=muol sângpi,muolvûm..
lênmuol kal=zin,khuolzin,khuolhaw,muolkal.
lênmuol khum/khup=khuolzin.
lênna=vana,upna,opna,tenna,khuo,khanletna khuo.
lênpuon=puon,puonisl.
lênsesing=sesing,sing gil mama khat.
lênsiel=siel..
lênsielki=sielki(kileh).
lênsim=simlei,lênna,leitung.
lênsimkhuo=khuo, vangkhuo, simlei, leitung, tênna.
lêntâng=tâng,muol.
lêntawm=tawm,khuong.
lêntawmkhuong=lenkhuong,tawm,khuong.
lênthang muisikâi/muikâi=muol minthang dawn a mui zâm.
lêntuol=tuol,ki-apmaina gamzang.
lêntuol koi=tawpsan, khawlsan.
lênzawl=sing zawl.
lie=numei.
lieguol=lawmnu, guolnu.
lie leh tâng=numei-pasal,ngâhnu-tangvâl,nungâh(ngâhnu) leh tangvâl.
liem=hing,hinna nei ganhing.
lieng=genthei.
lienu=ngahnu,nungah.
limbûh=bûh.hut,tent.
limlâi=hun nunnop lâi,khuo ullâi.
limlien=minthang,thupi,loupi,pi mama,zatâthuoi.
limnga=nga.fish;
limsawl=sawl,nabawh.
limsing=sing,singlim.
limsing damdiei nuoi ah=singlîm vawt nei ah.
lîmsun=hîm lie.
lîngliangnou=hawmthawna,simmawna kamteng.
lithang=tuili kithang.
litui=tuili.
lou=shi,mang.
louna=shina,manna.
lousuon=suon,tu.
loutuolpat=pat,tuolpat..
luhva=valuh.
lulvoh=voh.
lum=phaw,siellum,gâlvan.
lummei=meilum,meipi.
lummei sunta=vâ kâtou.
lumsuawng=suong,lumsuong.
lumsuong=suawng,suong.
lûn=lien,hâusa,sâp,lal.
lungâhna=kingâhna, kingapna, muon leh dohtu.
lungawi=lungkim.
lungdei=lungtuoh,lungsim sung a gul,lunggul,deigaw,lungsim sunga êng leh dei.
lungdeinou=tanu deitah.
lunghê=lungthah,lungzuon.
lunghuol=ngaituo,dat,tuot.
lunghuolmaw=ngaituomaw,tuotmaw.
lunglâi=sinlâi,ngatuona,lungsim.
lunglâu=jâu,zâu.
lungngil maw lâi a viel=mangngil lou a alungsim sung a pumdim.
lungshi=lungkie,lungda mama.
lungsi=angainou toh kikhen jieha dâ mama in lunggim khu lungsi ahisihleh lungshi ahi.
lungsim kûlphûm=lungsim sung a thugûh phuol chimit.
lungsim tutvûmkhawl=lungmuongtah a khawl, lungsim a khawl nuom,lungkim mama.
lungta=ît leh ngâi.
lungtuoh=lungdei,lungkimhuoi,deihuoi.
lungtuoh ngainou=lungkimna nu.
lungtup=tupna.
lungtup muolsuo=lawching,guoljou.
lungzuon=lunglên,muonmawna.
lungzuon sunni tumlou=lungzuon theng/bei theilou.
lungzuong=lunglêng,muongmaw.
lûnmâng=mimâng,milien,milal.
lûnta=hâusata.
lûntawi=hâusa hin.
lûnvontawi=hâusata.
luoichieng=luoi.
luoinâu=nâusên,luoi a kivei nâu.
luoinam=nam, vanpuohna nam.
luon=lou,thuhil,thugênlu,lasa.
luonglawm=kilawm,ginglawm,ginngai..
luongsam=shi,shina.
luonhi=luonhli,hi,hli,luonkhi.
luonkhi=hi, hli, luonhi, luonhli, mittui.
luonlemlou=kituohlou, kithuotheilou.
machiengsuon=masuon,mabân zom,manaw,pei.
mâimit=mit,phâimit.
maimaw=suimaw,hawlmaw.
maimaw’ng=maimaw ing,suimaw ing.
mâimom=mom chikhat.
mâimomnu=momnu.
mâizum=zumna,daina.
mal=teng,hâmteng,thuteng,
malâi=chînlâi,chillâi.
malnua’n=nua in,nung in.
mâlou=loumâ.
mamou=mou.u pasal zi.
man=tungman.
mangainou=ngâi masahpên.
mangbâl=bâl.
MângKâng=Mikâng,British,English,European.
Mângsîng=Mângkâng sap.
mantâh=vanzah.
mantung=tungman.
mâtang=ngentang,koima omlou ama maimai.
mâu=zuon lasa.
mâukî=kî.
mazap=mâi,mabân.
meizâm zîzîei=meilum zâm dide.
mêlduong=tahsa duong,pum,mêl.
mêl-a-mâ=mêlma,ma,dou.
mêl in mu=mit in amêl tah mu.
mil=ngil,hai.
mîm=ann atang pum zu a bawlthei.
mîmkhâu=khâu.
mîmphung=phung kinaipi.
mîmva=vamîm.
minthang=kithang.
momnou=khangnou,khanglai,khangdawng,khangtha.
muh=nê,mua.
muhtui=pên tui,lâitui.
muikâi=khuomiel.
muikhuo=khuo.
muikhuozîn=khuomiel,khomiel.
muikhuozîng=khuomiel,lungkham.
mung a tup=deigaw,sawm tinten.
mungtup=sawm,tup,dawi,ngîm.
munmuong=lungmuong, mun dâi.
muikâi=kholênvui.
muisi=gimnam,nam.
muoivom=khuoivom,vompi.
muolchin=muol jousie.
muoldawn=muolvûm,muol tung.
muoldawn nanêu=muol tung a pou nânêu neising; tâsing.
muolheisa=heisa.
muolliem=pham,shi.
muollîm=muol.
muol lîmsun ah=muol hîm lam ah..
muolsuo=sêmjou,lawching,jou.
muoltâng=muol-leh-tâng.
muoltulta=muol singkung neu.
muoltumtâi=muol laha pou pâpe san etlawm chikhat.
muolzatam=muol tampi,muolza-muolsawm.
muol zatam kâi nên ah=muol tampi kichienna kûng ah.
muolzuong huiva=huiva mâu.
munkhawl=hinghaw,khawl,buol.
musit=ngâingiem.
muvânlâi=mu,simu,vahou,vahoumu,valhou.
nâlguo=guo,guonâl.
namchi=namchin,zât tampi, michin.
namchih=namchinteng.
namchin=zât tampi,michin.
nâmtem=tem,nâm,nâmsâu,temsâu.
namza=za,dum.
namzîng=zusa.
namzîng kipang=hagâu zu mêl a kihil.
namzîngzu=zu,zusa.
namzu=zu,zusa.rat.
nânuoi=gamlah,gamnuoi.
nâsing=singna.
nâsingnuoi=gamlah singkung sa behna nei lah.
nei=nuoi,nahing.
neita=apu tanu, anu sangampa tanu.
nêlzâp=kizâpna âhnêl,sêm,mût,lânkhum.
nên ah=kûng ah.
nêupan=nêulâi,nâupanlâi.
ngainou=ît,ngaijawng.
ngalkhuoi=ngaltûn khuoi,khuoi.
ngalliem=sa ngaltang hapâ banga hât leh hângsan,mi hângsan,mi hât,pasalpha.
ngalpa=ngal hapa,ngalkhât.
ngil=ngil,hai,theinawnlou.
ngoumei=mei,meipi,meilum ngou,lummei.
ngoumeinu=lummei,meilum.
ngousâi=sâikâng,sâi,sâipi.
ngoutui=meilum.
nienna=kimna,kichinna,kiningchinna,kivâtlouna,tâhsaplouna,
kisaplouna.
nigêl=nipi in,ni.
ning=vâng,vawng.
ningbêl=zubêl.
ninghâi=zuhâi.
ninghâizu=zuhâi,hâi a kidawn zu.
ning-leh-âi=zu-leh-sa,nêh-le-tâh.
ningnêh=zu-leh-sa nêh nopsahna,pawi.
ningne=zu dawn,zu ne.
ningnuom=nêh-leh-dawn kiningching leh nuom,nuomsa.
ningsah=zubil.zuhuon,zubawl.
ningtui=tuining,tui,zu.
ningtui dam=zu tui nou,zu tui vot.
ningzu=zuning,zu.
ningzu-âisa=zu-leh-sa.
ninu=ni.gangpa zinu.
nuhsawl=sawl na,sawlbawh.
nu’ng=na hing,na hung.
nunhum=nunkhum,nawi.
nûl=sia,nawt.
nungâh=ngâhnu.
nung leh ma=nua leh ma.
nungta=hing.
nun in nuom e=nunnuom e,nopsa,nuomsa,kipâh-thanuom,hindân nuom mama.
nunkhum=nawi,nunhum.
nunlui=hunlui,hunpeisa.
nunnop=guolnop, thanuom, kipâh.
nunnuom=nuomsa.
nuntatna=hinna.
nuoi=nei.
nuoi omlâi=chinat.
nuoi zîn=dawi,hagilou,shiha.
nuoi zînmâng=leimidawng a hagilou natna jousie hing piengsah,
dawi gilou.
omlâi=umlâi,natna,dawi.
omlâi kungkuoh=kumnat,kumzawn.
omlâi lâng=chinatna lêng.
ommuong lienu=ummuong lienu, ngaizawng maimai zi dîng a gêl lou.
ommuong tajaw ing=ka lungsim nuom.
pâhnamtui=pâpe namtui.
pâhsil=pâpe.
pâi=vanpuohna sil.
pâikhi=hui.
pâitem=tempâi,nâmpâi.
pal=kin,kinaw,bai,tungbai.
pâl=pâh,kiduodoh,khangkhie.
palâh=leitawi,bâ,thunglâh.
pâllâi=lênlâi, khanlâi, hoilâi, pâh hunlâi.
pâllâi âm=palah,khoval.
pâllou=kinunpi,kitênpi.
pâlpa=papâ,pâ.
pâl singseng=nal,kilawm.
pâl tungtuong=thupipên.
pâlva=vapâl.
pâm=gâl lam.
pâmluo=pâmmai luo.
pat=vâu leh puon bawlna kizang sil nêm ga.
pâtâng=pâ inn,zuopâtâng.
patep=anuoi ngou singseng pa chikhat.
pêhsit=thudong.
peimasate=ashisate,muolliemsate.
Pêlepi=Kawlgam a luipi khat.
pengta=khuadoh,tamta,chia nawnlou.
peu ah=chin ah,munteng ah.
phâibi=biphâi.
phâikhi=hui.
phâimit=mâimit,mit.
phâiphulêng=phâiphêng a kisiem sêmguo ginngai khat.
pham=shi.
phamsa=shisa.
phaw=lum,siellum.
phawng=theisah,khangsah,hil.
pheiphung=kêng,kal.
pheiphung suon=kalsuon, pei,masuon.
pheiphung tul=kêng gim, jâng, gim,vuoi.
pheilam=lam,lamphei.
phelgo=gophel,go sâilung,zou sâili,thalpi.
phielva=va.
phohling=lingphoh,ling.
phuiguo=guo.
phuoivom=khuoivom,vom,vompi.
phungching=tam,hâusa,inn sung têngthei.
phungguol=kinâipi,be-leh-phung.
phungkhuom=khuom,be-le-phung.
phungpha=inn sung hoi/pha, inn têngthei.
phuolgie=vaphuol ha,vaphuol gie,vaphuol mul.
phuollêng =vaphuol.
phuollêngva=vaphuol.
phuolmei=vaphuol mei.
phuolmul=vaphuol mei.
phuolngou=vaphuol,thâu,tâ.luntawi phuolngou.
phuolngounou=vaphuol.
phuolpi=vaphuol.
phuolpi muh=vaphuol muldawn;lâikung.
phuonchil=chiltui,chil,chilphuon,chilphîtna.
phuolva=vaphuol.
phuolva dungsûn=melhoi,etlawm.
pielgâl=vângam.
pien in dang=piendân tuomdoh,limdang.
pienpi lâizom=suopi-sanggam,u-le-nâu tahtah.
pieu ah=gei ah,tuigei,tuipang.
pieugâl=pielgâl,vângam.
pieunêl=sehnêl.
pigolieng=gopi.
piguo=guo.
pisei=pi.
pisei-pusei=pi-pu.
pomlâi=ngâilâi,sânlâi,ki-îtlâi,kideilâi.
pomlâi gimsi=ki-ît-kideilâi gimnam.
pûldou=thuoh,genthei buoi mama.
puohsing=singpuoh..
pusei=pu.
puvon=pu.
sahduongmêl=mêl-le-puom,tahsa piendân.
sahmêl=mêl,mêlpuoh,puom,mêl-leh-puom.
sahsuoh deipâl=lam sahlam pâpe dei.
sal=hênkol,suoh,têngta.
salimlien=sa gol.
samgi=sam kikhenna mun gi.
sam=lutung a pou sam.
sam=kimtalou.
sam=sa,sang.
samtui=tuisam.
samziel=samtum.
sânchîl=pichinjou a ît-leh-ngâi masapên,lênchîl.
sang=sa,gamsa.
sangchih=sachin.
sangga=taga,migenthei.
sanggiel=sakâmkei.
sangkêl=kêl,bêlâm,tu.
sang leh lâi=sa-leh-gâl.
sangmâng=sâipi, sa lien.
sângnêl=âhsi, si-al.
sangpâl=na ngâi nuomsa,na deigawsa.
sangphung=be leh phung.
sangsa limlien=sâipi, sapi.
sangsawl law=sa tha chienga nâta bawh kihlieh/kilou.
sângsawn=tungnung, sângpên.
sângsun=vûmkhie
sang thangmâng=sâipi.
sânlâi=kingâilâi, kideilâi.
sânlâi gimsi=kingâilâi gimnam.
sânnêm=ngâijawng, ngâizawng, ngâi, ît.
sânnêmnou=ngainou
sansî=sî
sanuoivom=vom, vompi.
sâu=inn
sasê=satan
sâshi=gam a shi.
sâulîm=inn, inn lîm.
sâulûn=innlien, innpi.
sâumâng=inn,inn lîm.
sâunêm=inn nuom.
sâunuom=inn nuom.
sâusieng=inn.
sâusieng lam=inn lam.
sâusuon=inn,inn suon, inn tênna,inn gol.
sâusuon piendang=têmbaw,longpi.
sawl=nâta bawh,thêlna bawh.
sawm=ngâi,ît,ta.
sawmsiel=siel.
sawmtângpha=lawm leh guol hâu, lawm leh guol honching nei.
sawnmom=tu.
sawn=tu,tate ta.
sawnmomnou=tu,tunou.
sawtnat=kumnat.
sebawngnawi=bawngnawi,nawitui.
segûl=gûl.
seilien=milien,khanglien.
seingiem=a nêu,nâupang.
seingiem-seisâng=a nêu a lien.
seinou=nâupang.
seinouguol=lawmguol,khanguol,nâupangte.
seipi=alien,alal.
seisâng=milien.
sekhuo=khosie.
sekhuong=khuongsie,tawmsie.
selung=lungsim,ngaituona.
sêmguo=gosem.
sêmguo ginngai luong lawm=gosem kitum ginngai.
sên-ângkawi=sên zi,zi.
sênchîl=nêusên,nêulâi apat a ît leh ngâi masapên.
sênchîl vontawi=ta masapên.
sênguol=nêuguol,nêulawm.
sênguolngai=nêulawm ngai.
sênlâi=nêulâi.
sênlekia=nâupanlâi zilkia,nêupien kia,kilêkia,khangdawng kia.
setâng=tâng.
sênnâu=nâusên.
sênngai=nêulawm ngainou.
sênngainou=nêulawm ngainou.
sênngêh lâikâi=ta nêunei,nâunei.
sesing=lênsesing,sing gil mama chikhat.
sesum=sum.
sesum phungching=sum-leh-pâi kiningching leh hâusa.
se-ûi=ûi.
sevâupa=vâupa.
shisiel=tha dînga siel kikâi.
si-al=alsi,âhsi.
Sian=Sien,Pasian,Pasien.
sielching=ngaituo tam,lunglêng.
siellum=phaw.
sielsiel=tuottuot,gêlgêl,huolhuol.
sielzatam=lungngâi,ngaituothûh,ngaituotam.
siemzil=siemna zil.
Sien=Sian,Pasian,Pasien.
Sienching=Mari.
sieng=kûng,nên.
sieng’h=kûng ah.
siengkawm=inn haw.
Sienmâng=Pasien.
Siensiem=Pasian siem.
siensung=innsung,inn.
Sienvon=Pasien tapa.
sietchîl=tuipi veiden.
sietlei=leisiet,khovêl,leitung,leivui.
sietlei kûlsu=pham,shi,kûlphûmtang.
sietna tuipi=tuipi lien,Khuga dam tui.
sihsiel=tha dînga siel kikâi.
sihjawl=tui jawlna jawltang.
sihtui=tui,singtang tui vot.
si’i=sih.
silpuon=puon sil,puon.
silpuon tahsiem=siem.
sime=mesi.
sîmkhuozîng=khuomiel kêikûi.
simlei=leitung,leisiet,khovêl.
simlei tuoltawp=gamtawpna,leitung tawpna mun.
simlu=lu.
simsal=sal,suawh,uoh.
simsiel=simlam siel,simlam mi.
simsing=sim lam sing chikhat.
simthu=thu,thu-le-la,chinthu.
simu=khâimu,mu,mupi,muvânlâi,tungkhâimu,vahou,valhou.
simzawng=zawng.
simzîn=miel,zân,zânmiel,khuomiel,zânlâi.
sîng=mi dang,mi tuom.
si’ng=sih ing.
sîngchin=mituom,mizâtdang.
sîngdang=midang,mituom.
sînggam=mituom/midang gam,gamdang.
sîngkawm kâl=midang kawmkâh ah.
sîngkhuol=khuolgam.
sîngkhuol zin=gamdang zin,khuolzin.
sîngkhuol zîngzin=zin,khuolgam zin.
singlâmte=sing kros.
sîng-leh-tuol=gamdangmi leh khomi.
sînglêl=midangte gên,kigên.
singlêl=singdawn,tullêl,tulsinglêl.
singlênheisa=heisa, singkung tung a zoheisa.
singlimlien=singlâmte,singthupi.
sîngsum=sum.
sîngta=midang-sadang.
sîngta vontawi=midang ta,mituom ta.
sîngtawi=midangta.
sîngtawi ommuong=mituom(midang) maimai.
sîngtun=midang khat thutut.
sîngvâi=midang khat vâihawmna.
singzabuong=Khupching leh Ngambawm tâumui a, hapi sung a sing golpi pou khu.
sînkuong=hânkuong, hlânkuong
sinlâi=lunglâi,lungsim kûllâi,lungsim.
sinlâi hêhsiem=ngaituosiem,vâihawmsiem,pil.
sinlâi heisiem=vâihawm siem,lungpi.
sinlâi henêm=lungnuomsah,taisah,lhai.
sinlâi kuoi=lungkuoi,lungkhoi.
sinlâi kûlphum=lungsim phuol chimit.
sinlâiphawng=lunglawng.
sinlâi sun=lungsim khoi.
sinlâi zen=lungsim sung a thâmden.
sinlung=lungtang,lungsim,ngaituona.
sisiel=tha dînga siel kikâi.
sol=vântung a nipi kuolkip a kipei leitang.
solha=ha,hapi,lha,lhapi,khapi.
solha vâhnuoi ah=ha vâh nei ah.
solkha=solha,ha,hapi,lhapi.
solkhapi=solha,ha.
solhla=solha, ha,hapi,hla,hlapi,khapi.
solnou=nipi kuolkip a kipei leitang khat.
suilung=lungsim.
sûl ah=nua ah,nualang ah.
sûlhei=kinua hei,kilêkia,kinuale.
sulhei=kile.
sulnua=nualang.
sulnuazûi=nuajûi.
sulnua zil=zilkia.
sulnung=nua,nung,gamtatna nua/nung.
sulzui=nuazui.
sulzuite=nuazuite,nungzuite.
sumhêhsuong=ann hehna suong phalni.van.
sumil=mangsah,gamsah.
sumlu=lu,lutang.
sumlu=lusuh.
sumphung=ngaizawng,kinâipi phung,pute.
sumsiel=lunggim, êngsiet, thangsiet.
sumsiel zatam=lunggim,lungkham.
sumtawng=sum koina mun ningkhat.
sumtuol=leituol,innmâi bu suhna mun.
sunchin=nichin.
sungdu=neh-le-tâh,dugawsil
sunggil=gil,gilsung.
sungkiel=gilkiel,tâm.
sunglaw=gil,gilsung.
sungnêh=ann,bu.
sungtuilaw lana=lungtuolana,lungkimlana/jawlouna.
sunhâi=hâi.
sunkhing-ann=sunlâi annkhing.
sunkim lungzuon=sunlâi a lungzuon.
sunnâu=nâusên.
sunni=ni,nipi,tung sunni,kawlni.
sunni humtâng=tanghum.
sunni tumkuon kâi kisun chieng=nitum kuon a kâisuh chieng.
sunnuomnou=lângva inn,innnuom.
sûntâng=tâng,zotâng,zoutâng.
su’o=sih aw,si’aw.
suoitui=sana tui.
suomâi=mâi,mêl.
suomêl=mêlsuo,sahmêl.
suon=luo,suondoh,pomang.
suonbawi=kungbawh,singkung bawh lawm.
suonbawi heisa=heisa bawh etlawm,ngainou.
suonbawi zozam=ngainou,ît,ngâi,ngaijawng.
suongtu=pa,innneipa.
suonguo=guophung.
suonmawng=mawngsing.
suontâng=bu,tâng.
Tahkhopi=Lungtah khopi.
tai=lungmuongsah,lungkimsah,lungnuomsah.
tai=muong,nuomsa,lungkim,kaplou.
taiguong=teipi.
taiguong khaw=tângpang a teipi khaw.
taikhopi=khopi, tênna khopi, lungkimna khopi.
taikhuo=khuo,khonuom,lungkimna khomun.
taikhuovâh=khuovâh,nisuoh.
taikhuovâl=khuovâh.
taikim=lungkimsuoh,lungkim sieng.
tâng=tangvâl,pasal,pasal zi nei nâilou.
tâng a=khanglui lâi a.
tângdollêp=tâng/bu suhna singtunsâu adawn a suhtom khat kiph
-ut; kêng a kilêpsah in kikhesuh zêl.
tâng dumpuon=puondum.
tângduong=tangvâl,tahsa.
tângguol=tangvâl,lawmguol.
Tanghou vângkhuo=Mangpa pienna khuo.
tângkhokhâl=huilân kipathun;guotui kieh/zuhhun nâiloulâi;khâllâi.
tângkhuo hing khâl=khâllâi tung,khâl huilâng.
tânglâi=mâlâi,chîllâi.
tânglâm=lâm,nuomsa.
tânglieng=tangvâl lungsim genthei.
tanglou=lou, zolei, singtâng lou, outuol, zoulei kênsuh a leisiet khâmna singtun
kivâikham.
tangluong=zoulei kênsuh a leisiet khâmna singtun kivâikham, anglou.
tangnâ=nâtang.
tângngalliem=pasal hât,pasal hângsan,pasal pha.
tângnisa=nisa,tungsunnisa.
tângpa=tangvâl.
tângsiel=siel.
tanpa=hundampa.
tânsing=singtân,sing gilgilte kishie.
tapkuong=vankoina mun.
taptung=ann huonna mun.
tatsa=hutdamsa.
ta’w=ta aw.
tawi=hin, nei, piengsah, chîng, tu.
tawi=ta.
tawichieng=guo a kiphan chieng/law.
tawichîl=nei masa,pieng masapên.
tawichîl momnou=ta masapên.
tawn=zui.
tawnbân=bân.
tawnpat=pattawn,pat.
tem=nâm,nâmtem.
tem=hu,panpi.
tennîh=nîh,nîhtên.
thal=zi.
thângdang=nisa khawlouna muol hîm lang, muolpang khat lam.
thângdang lummei kâi zîziei=muolpang ni liepna lam a meilumkâi zîziei,nisa
khawlouna muol hîm lang,muolpang khat lang a meilum zâm.
thângnêm=muolpang dielna mun.
thângnên=kawlzâng.
thângnên dolchiel=kawlzâng dolchiel.
thângnên huikhi=kawlzâng huikhi.
thângnên huikhidam sêm=mi sol,mi hêm,mi pui mang.
thângnên lummei=kawlzâng meilum.
thângnên lummei hing zâm=solna chinthu hing lêng.
thangvân=vângam,vântung.
thangvân lâiling=kêh,lâikêh.
thatui=tuitha.
thê=zoulêngthê.
theilousîngta=kitheipilou midang ta.
theisên=sênlâi,nêulâi.
theisênngai=nêulâi apata ana ngâi.
thelna=singnâ,nâta.
thelna hinglâm=huikhi lâng.
thelna lâilêng=lâihâh.
thelna lâm=huikhi lâng.
thelna nêm=lâipêh,lâi.
thûm=ngên,tâu.
tong=pawipi bawl.
tong=hâm,kampâu.
tong awi=hâm,thugên.
tongchiem=thuchiem,chiemna.
tongdam=kamdam,thunêm, hâmnêm.
tongdam kipâi=kihou.
tongdam luonsiem=kamsiem,hounop.
tongdam nêm=thugên ngâinuomhuoi.
tongdam silpuon=puonsil.
tongdam kisâng=kihoutuo,kithukim.
tongdam sâng=ngâi dîng a thukim, kithukim, kihouthei.
tongdoh=thudoh,milun,midoh,mipoimaw.
tongkuppi=kihoupi.
tonglêl=thugen.
tongluon=hâmteng,hâmkhiet,gênkhiet.
tongluong=thugên,hâm,hâmkhie,oluong,oging.
tongluon ngamla=houpi ngamlou.
tong na luong=la na sa,na houpi.
tongsan=ngaijawng,kingâipimi,deimi.
tongsie=thusie,osie,kamsie,hâmsie.
tongsie law=samsie,hâmsie.
tongsie law lêntuol koi=osie leh kamsie kilaw khawl/tawp.
tongsuo=thugen,hâm.
tonkhuong=tawm,khuong,lenkhuong.
tuili nga=nga.
tuizum=tuitogam,tuikângpi kal a um mun.
tuizum phielva=gamtuom va.khogamla a hing kholâi lêng tangvâl
gamdang va.
tukawl=kawltu,tu, lou hawna(hlawna) tu.
tulba=singba.
tuldawn=singdawn.
tulduong=singkung.
tulduonglâi vu=tawm,khuong.
tulduonglâi vu kângpum nâlguo=pum.
tulkung=singkung.
tulkuon=vuoikuon,shikuon.
tulleidi=leidi sing,leidi pâpe.
tullêl=singdawn.
tullim=singkung.
tullîm=singlîm.
tulnu=singkung,ngainou.
tulpân=singpân.
tulsing=sing,singkung.
tulsinglâmte=sing kros.
tulsuonbawi=singkung bawhkâi.
tulta=singnou,vulta.
tultâh=gamnei,gamnuoi.
tulta khâu=singkung khâu.
tulta lâinu=tanu.
tulva=va,vasa.
tulvûm=muolvûm,muoldawn.
tûm=lutu lien.
tumging kisai=tingtang kitum.
tumkhâuluoi=tingtang.
tumtâi=muoltung pâpe san chikhat.
tûn=nu.
tungchieng=tunglam.
tungkhâimu=mupi,mu,simu.
tunglêng=tunglam a lêng.
tunglêngva=va,vasa.
tungmu=simu,khâimu,mu,mupi,vahou.valhou.
tungmuvânlâi=mu,mupi,simu,khâimu,vahou,valhou.
tungsi-al=âhsi.
Tung Sienmâng=Tung Pasien.
tungsunni=kawlni,lênkawlni,nipi.
tungvakawl=va.
tunnâu=nâu,nâusên.
tunnu=nu.
tûnsung(tunsung)=nu sung,pienna nu sulsung.
tuntom=thâu.
tuoi=nâu,ta,sanggam,dawng.
tuoiguo=guo.
tuoiloupa=loupa.
tuoi momnou=ta dawng,ta ngêh.
tuol=khomi,tuolmi,khotuolmi.
tuollumei=meilum,lummei.
tuolpat=pat.
tuolkum=kumsuh.
tuollummei=meilum,lummei.
tuoltawp=gamtawpna.
tuon=tânglâi,khangluilâi.
tuon-a=tânglâi a.
tuon a pupa=tâng a tuon a pu leh pa.
tuonglam=lam,lampi,peina lam.
tuonglam sia=lam tuon,lampei.
tuongtung=inn tung,khuo tung.
tuongtun kâi=inn tun kâl.
tuongtun nadîng=hithei nadîng,pichin nadîng.
tuonna vuikhâu sâu=meilêng,rêl.
tutâng=tâng.
tutkhawl=khawlton/khawm.
tutvûmkhawl=alungsim sung u’a ahingtutteng uh nitâh ann nêhjou lup masanga
khawlkhawm dîldiel u’a kihoulim/kikumton.
ulchîm=opsa,khosa.
ulsa=opsa,khosa,khosa ul.
ûm=agui nei nehthei chikhat.
umlâi =natna,chinatna,natgilou,dawi.
umlâi kungkuoh=kumnat,kumzawn.
umlâi lâng=chinatna lêng.
umlâi veilaw=china,damlou,natna veilaw.
ummmuong=mawh,maimai.
ummuong lienu= ngaizawng maimai zi dînga gêl lou.
ummuong tajaw ing=ka lungsim nuom,lungnuom.
vâhkhuoi=khuoivâ.
vahoumu(vahloumu)=mupi,muvânlâi.
vâidot=dawn.
vâilou=singtang lou,zoulei.
vâilou kuon=loukuon,vâikuon.
Vâimâng=Mângkâng.
vâimâng siemsin=lâisim,lâisimna.
vâimâng sâusuon piendangnou=têmbaw,long.
vâithâm=muongden,thâmden,omden,unmden,peidohlou.
vâithou=thou,thousi,thouvâi.
vâituinu=tuivâi.
vâituipi=tuivâi.
vâiva=va.
vâivut=vutvâi.
vâl=vâh.
vâng inla=gamla.
vângkholâi=kholâi,khosung,vêngsung.
vângkhuo=khuo.
vângla=gamla.
vânglien=thupi.
vângngâi=ngâi,lunglêng.
vângsel=vângsie.
Vângtângnou=Pasian vângtâng.
vângthang=thang,kithang,mite’n thei.
Vânmâng=Pasian.
vasih=sihtui dung.
vatâu=va guitam,thuohla nei a hâm.
vâthâm=thâmden,khawlden,umden.
vawng=vâng.
vazuong hâm=vahâm in lungzuong phawng.
ve=va,kawm,en,haw,in.
vei=um,nâ,natna nei.
vei=deitah, lungsim sung a dimden, dei mama.
veilâi=umlâi,bei nâilou.
veivom= ‘phelgo veivom ka bânzâl tulta e’!,deitah a kêp sil,van sahthei mama.
ve’ng=vâng.
von=ta,nâu.
vondawng=ta,von.
vondei=tadei,ta ît.
vonmomnou=tanou.
vonsên(...dei)=nâusên,nâungêh.
vonsieng=ta kûng.
vontawi=ta hin,ta nei.
vontum=ta tum.
von zoujâm=ta dei.
vuikhâu=khâu.
vuisâi=sâipi.
vuisi=huisi.
vul=ngûi,gim,muol,têh,vuoi.
vulnîngniang=ngûi mama,gim mama,tawl mama,jâng sêngsêng.
vûm=asângpên,dimlêt.
vûmkhawl=nitâh ann nêhjou a kihoulim kawm a khawlkhawmna.
vûmsâng=dawn sâng,muolvum..
vûmtung=tungvûm.
vuoi=têh,muol,vul.
zaidei=ladei.
zâidûn=sâudûn.
zaila=jeila,zeila,la.
zaitha=jaitha,zeitha,tha-leh-zung.
zâl=jâl,lum,kitawlduo,kisiel,kuo,shil.
zalâi=tampite lah a.
zalâi lawi=lawi tampite lah a.
zâlkhun=lupna.
zâlmang=jâlmang,mang.
zâlna lâikhun=lupna,giena.
zâmluong=jâmluong,zâmpi,zâmging.
zamuol=muol tampi.
zâmzo=jouzam,zouzam.
zânchieng=khuomiel chieng,ki-imut chieng.
zânchin=khomielchin.
zâng chiendâl=dâhpi,zâmpi.
zânggamlei=kolgam,kala gam.
zânghui=jânghui,hui.
zânghuiva=jânghuiva,huiva.
zângkâmkei=kâmkei,sakei,topi,kei,to.
zângkawlva=vasa.
zângkhên kawlchieng=thâu,hiem.
zângkhênsia=kihouna silkhat.
zânkhosawt=lunggel tampi nei jieha kimuthei lou in zânkhuosâu,
zânlâisâu.
zânglâibûhtui=tuibuh.
zânglawi=jânglawi,lawi.
zângleidon=tutaw gam,tuitolang.
zângni=nipi.
zângnisuoh=nisuoh.
zângpielva=va.
zângsiel=jângsiel,siel chikhat.
zângsimsal=sal.suoh.
zângtui silpuon=kolpuon.
zâng tunphe=tunphe.
zângtuol=zânggam.
zângva=jângva,va.
zâng vâiva=jâng vâiva,va.
zângvuisâi=jângvuisâi,sâipi.
zângzung=jânggam,zânggam.
zânkhuo=jânkhuo,zânlâi.
zânkhuomiel=jânkhuomiel,zânmiel, vâhna tellou.
zânlêngpa=zânlai a pa zêl pape namtui.
zân muikhuo=khomiel.
zânmuikhozîn=miel,khomiel.
zânsiel=siel.
zata=mi tampi,mi nempi.
zatam=mi tampi.
zatâng=bûh.
zâulâi=pânglâi,zânglâi.
zawllêng=zawl.
zawng=jawng,louhoukhawm,nasêmkhawm,tongton,houton,lhouton,
zawng=jawng,puon sil khawm.
zawt=jawt,zui,tawn.
zedam=jedam,lungsim,ngaiituona.
zeila=jeila,zaila,la.
zeitha=jeitha,jaitha,zaitha,tha-leh-zung,tha.
zezum=jejum,zum,dai,mâizum.
zielam=gi,lam.
zietsuon=zietlam,zietlang.
zîn=ha gilou,natna tungsah thei leinuoi a têng dawi chikhat.
zîn daw-âi=hagilou in ahing zawlna nêh-leh-dawn sil, sietna lam,
manthâina lam,shitheina lam.
zîngni taikhuovâh=zîngmawng khovâh,khovâh.
zîng taikhoval=khovâh kuon.
zîngsol=vântung a tânsiem leisiet khat.
zînkhawi sang=zângsiel,ngaltang.
zînmâng=ha hoilou,natna tungsah thei leinuoi a têng dawi chikhat,
dawimâng.
zîngninou=ni.
zîn lâilêng=dawi vâh.
zîn lâilên kâl=dawi-leh-kâute ahing vâlou lâh kâl, damthei hun,
natna oplou kâl.tuachieng a ahing natsah lou hun.
zînlêng=hagilouvâh,ha gilou hing vâh/khawl.
zîntunnu=hagilou.
Zogam=Zougam,Zoute tênna gam.
zoheisa=singbate tunga kibât pâpe etlawm chikhat.
zokuom=zoukuom,singtâng muol leh muol kikâh a gamhawmtou.
Zola=Zoula.
zolawhta=zolawhta, Zougam a vasa tâu chikhat ahâm chienga
lungzuonhuoi mama.
zolei=zoulei,singtâng lou.
zolêngthe=thê.
Zolûnmâng=Zoulûnmâng, Mâng Jesu,Mângpa.
zosiel=zousiel,zolei gamlah a kikhawi siel.
Zota vontawi=Zou ta.
zoudamtui=zodamtui,singtâng tui/lui luong.
Zougam=Zogam,Zoute tênna gam.
Zoukhojawl=Zokhozawl,zoukhozawl.
zoukuom=kuom,guom,zokuom, singtâng muol leh muol kikâh a
gamhawmtou.
Zoula=Zola.
zoulawhta=va; ahâm chienga lungzuonhuoi mama.
zoulawhta in tong na luong vâng=na lunglêng vâng.
zoulei=zolei,singtâng lou.
zoulêngthe=thê.
Zoulûnmâng=Mâng Jesu,Mângpa.
zoupâ=joupâ,zoulah a pâpe pou.
zousiel=zosiel,zoulei gamlah a kikhawi siel,zouta.
zouta vontawi=Zou ta.
zou tumtâi=gamlah pâpe san hoi mama chikhat
zouvakhu=zovakhu,gam vakhu,singtâng vakhu.
zouvoh=gamvoh.wild pig.
zouzîng=zozîng,gammâng.
zovakhu=zouvakhu,gam vakhu,singtâng vakhu.
zovontawi=zosuon,zota,zouvontawi,zouta.
zozîng=gamlah,gammâng.
zozîng lawhta=gammâng lawhta.
zuhsa=sazuh.
zuhsiel=sazuh.
zuo=pienna pa,ei hinpa,pa.
zuo khan in=pa hâtlâi in,pa khanlâi in.
zuolam=pa gou lamsa,pupa gou.
zuolam lênsielki=pa neisa sielki.
zuolvoh=voh,vohzuol,lulvoh.
zuondam=luongzuon.
zuong=lunglêng,lungzuong.
zuong hing thou=tahsa hingthou.
zuong huiva=huiva mâu.
zuongkum=sawtpi zuong.
zuongthou=thou,hingkia.
zuopa=juopa,pa.
zuopa tâng=pa lamsa inn,inn.
Zuo Sienmang aw =Pa Pasien.
zuotawi ngalliem=pa hin mi hângsan.
zupeng=zubêl.
zupêng kuoi=zu dawn.