Wednesday, October 12, 2011

Phuolva'n a tongsuo kheel ngai sih


Pasien tungpa'n nopna eite tungah ang om ta heh.Mihing in pasien i bawl sih a,zong i bawlthei sih hi. Ei man Pasien bawltheilei iPasien pen Pasien hilo dinga,eima pen i bawl pasien ii Pasien ii dinghi.Tuo ei piengsah Pasien pen ma, biekha paaikha ihi man in ama aadingma-a eipiengsah i Pasien'min thang ta heh.Tuoziehin i kamham pensangpen Pasien bieh na-a a kizangh kam hampha khat ahi hi. Kam eipiein mi hina cingtaa-a ei siem pasien hangin i lungdam hi.Pasienin kameipiehna pen i zah ding a aci hi-a,i zahngamlo dinga, a ci hilohi.Kamham i neipen Pasien thupha lienkhat hi-a a aangtan huoi nakhatahi hi.Pasien bawl nate nah hoi mama (Indeed it was very good,NKJV) hici'n leh Pasien in gen hi.(Piencil/Siemcil.1:31)I kamzah pen Pasien'npiensah ahoite sungah khat ahi hi.Tuozieh in Pasien hangin i om hi.Eima le i kiim i paam a om i sanggamte i et ciengin etlawm mamakasa hi.Azieh pen unau sanggamte ihi ua,unau sanggam ma bangin iomzieh ahi hi.Tammi pen Pasien ei pieh i etlawmna i suhsietlo zieh ahihi.I zah i kamham ciet tawh i etlawm ciet hi.Paawlkhatte'n tammietlawmna phawh khalo in etlawm zonai sih vei aw,ci'n lungkim lo hi.Tuoa lungkim zolo na pen thuvalkaai ang suoh hi.

Tuo a lungkim zolo na unzuumna le thangpaina ah amau te tun to hi.Tuo te Pasien ei pieh hinasungah a mau le ama u saltang in kol kibulhte ahi uhi.Tuo te in Pasienhoisah nate khatvei a etkia ding uh ka hanthawn hi.Kamham pen thupi hi. Tuo ziehin tanglai kumpi thahat te'nmizawthaw na dingin galvan in na zangh uh hi.Nebuchadnezzar in Danielle a lawmte Chaldean kamham le biena ah amang cip dingin na geelngaihi.(Dan.1) Alexander(B.C356-323),Greek kumpipa'n Greekkam penLeitungah a kizel ding na hanciem hi.Tawm khat ka dana khat a om hi.Khat le khat kamham kitel gehguhpen Minam akuon a kisim mawna,hamkhat le khat kithupi simlo na-in thuhoi hilo hi,ci'n ka mu hi.

Pawlkhatte'n Tedimham pen kitel pen hi cihi. Tampe'n a kuociik a etna ah man a, a zaipi a etna ah manlohi.Kalkhat kalni suonna ciengah maan a a saupi kalsuonna ah maan zotahtah lo hi.Munkhat a i ten tonpi i sanggam Falam le Hakha cite tawhi kiho ciengle Kawlkam zah ang kul a,hina ki bang a i kingaisutpi Manipur le Naga land lamte tawh i kiho cieng Mangkam ma zah angkul hi.Tamin bang lah ahiei ci le kamham in gamgi nei-in bangcieng ah zaikuociik ci lah hi.Pasien hangin i lungdam hi.

Tedim gam le Tonzaang gam a om minamzosie, Manipur lama Kuki/Thada cite i ham i kitel ceit hi.Ka khuo ah UNDP huna nga in,khaici vai tawh kisai ah makai(representative) in kapang hi. khatvei khaici UNDP zum a la dingin ka kuon hi.Tuonah Tedimkumpi bank gei ah Thuklai hausapa(galkap lui santhum) zong vaikhat matawh na to kamu hi.Tuonah ka kiho uh a,thutampi ka gen uh hi.Aman zonga Sizaangkam ma zanghin ke'n zong ka Zokam ma zanghin ka kiteltuoh lelmama uh hi.

Atawpna ah ka kikhen dingun ka genin:Pa, ke'n natapzaang(hearth) le na innsunga na zah na kam kang telpieh, nang zongka tapzaang a kazah le ka innsunga kazah ka kamham ei telpiehcin,midang hi vawtlo ihi na kilangh hi,ka ci hi.Ama zong a lu loklokta hi.Ama tuo banga ka hopina pen kanai bawlna ahi hi.Tuoziehin ihamkitel gehguh pen mikhat a maham tawh i hopi pen i gelta bawlna hizawhi.

Puzonet sungah "Tedim pau zangh tek ni, pumkhat i suahthei na'ngin" ci mikhat lai at ka simngai hi.Eite Jesu sung leh itna sungahpumkhat ahi sa i hibo hi.Kamham ah zong kitelpieh ciet ihi ziehinpumkhat a hisa ihi hi.Ama'n tamthu theilo hi.Hamtampi i nei cietna ini kamzah ciet a picing suoh zah zo beh hi.Tuo ahiziehin i hamcietkisimmaw pieh ding hilo zaw in thupi hi, ci i phawh ding ka deihi.Teizaang,Tedim,Sizaang,Thado le Zo, eima ham ciet puo in paallunsah vai.Ei adingin i hamphatna khatah kamkitel pen/ taangpizahkam(common language) om tuonlo hi, i hamciet pen i kitel piehciet mamalel hi.I kamzah ciet pen thupi ciet hi. Banghang ei cile i nei ihi-nale i ngaina ciettawh kizom hi.Tuoziehin ihi-na, Pasien bawlsa ahlungkimin i thupi sah ding thupi kasa hi.Na kam tuo pasien ang pieh,mi'n ang simmaw pieh nanleh zumpi si'n.Nangma bawl kamham a zangh nahisih a,Pasien'n bawl kamham a zangh nahi bo hi.

Zo nahi pen Pasien hanghibo,nang ngap thu hi sih.Pasien i it leh i hi-na a bawl ama ahiziehin ama i thupi sah na in ama eibawlna thupi sahbo vai.TuoziehinRick Warren in: Na minam le gamkhat ii mi na hinate sekholna omlo apieng hilo hi.(Rick Warren,The Purpose Driven Life,p.23)Pasien in a piensah sa na zosiete ngimna tawh piengsah hi.Amandeina nei in,kisam sa hi.Ama aadingin manpha eisa Pasien hi.Tuo thutehangin minam khat hina teng ei pie hi.Pasien tungah lungdam in omcietvai ei.Tambanga minam khata eisiem pasien'amin thangta heh.I kam tawh imite'hlamit i honzo na ding lungtup in nei vai.Pasien in nang a deinaaadingin kisamh angsa hi.Jesu'itna sung le note itna sungah

ThangDonghKhai Zomunmi
Topa phasah na a omleh hun nga cieng (C) na angzom vang. Lungdam.

No comments: